Gizimba 2
2
Gizimba nya sizimba
1Eni nyi genge gya Saromi,
genge gya kovani.
2 Mwama —Kha nga genge vbakari nya miba,
kharato nugo gigodwa gyangu vbakari nya dzimbiri.
3 Mwangadzi —Gufanana ni likandzu vbakari nya misimbo ya khabini,
khidzo kharato a fananago khidzo gigodwa gyangu vbakari nya madzaha.
Nyi ngu wu gola ngudzu mutsa waye,
nyi na khala vbavbatshi gwaye,
nyipwa gulombela nya handro waye.
4A di nyi bedza nyumbani nya buzo,
a fenengedza nga bya nya lihaladzo laye vbatshani gwangu.
5Nyi hodziseni khu sitsatsa nya dzikhure,
mu nyi nengedzisa khu makandzu nya gutshambe,
kholu nyi ngufa khu lihaladzo.
6Libogo laye la nyambade lomo vbavbatshi
nya hungo wangu,
ilo la nyamudye la gu nyi wugarela.
7 Mwama —Nyi ngu sambanya gwanu enu
vanyamahegyana va Jerusalema,
khu dzitshesi ni vamangulwe va mugigomoni,
gukheni mu nga wusi gigodwa gyangu
a si gu dzini abune gu wuga.
II. NDZIMO NYA WUVILI
8 Mwangadzi —Ilolo lito la gigodwa gyangu,
khuye wule! A nguta,
na gu tsemakanya sigomo gu tutuma,
a ndragandraga sigomwana.
9Gigodwa gyangu gya gu fanana ni yisya
ni mbavalana,
kha mu mu woni uyoyo magumbini nya ndranga
yathu,
a khevisela khu sihogo a sola nyumbani.
10Gigodwa gyangu gi di nyi embela, khigyo:
Mwama
“Khuga u eme,
pari yangu, mburi yangu, hongole.
11Wona gukhuwe girame gi vbindride,
ni ndzadzi yi khamugide.
12Senge si ngu wonega tigoni,
gi vbohide gikhati sinyoni si embelelago dzindzimo
olu tigoni gwathu, gupwala matuva na ma gu embelela.
13Mikandzu yi ngu vidziswa mihandro nya guhegule,
marembwe ma ngu pandra wuluva nya senge,
si phalalegisa mahema nya gunungele;
khuga gigodwa gyangu,
hongole mburi yangu.
14Uwe lituva langu u sihalago dziphagoni
nya siwindri,
ni gukhwekelani nya gusihale;
nyi yeyedze khovbe yago,
nyi napwe lito lago,
kholu lito lago li ngu tshamba,
ni khovbe yago yi mburide.”
Mwangadzi
15 Nyi moleleni migehe,
ni migehyana
yi ghohetelago marembwe yathu,
kholu ma tade khu senge.
16Gigodwa gyangu gya gulumba eni,
eni neni nya gulumba uye
tshambi waye a gu havisela vbakari nya senge.
17Na gu si gugi yi phalalega myedzi,
wuya gigowa gyangu,
u fanana ni yisya ni gimbavalana
sigomoni gwa Bheteri.
Currently Selected:
Gizimba 2: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
