Gizimba 1
1
I. NDZIMO NYA GUPHELE
Phera ya nyamayana
1 # Wona gambe: 1 Dzipf 4:32. Gizimba nya sizimba sa Solomoni.
2Nga nyi bhejari khu besu ya kanani gwago!
Kholu lihaladzo lago la gu lombela guvbindra dosi nya dziuvha,
3khu gutshamba nya gunungele nya mafura yago;
lina lago la gu fanana ni mafura ma guhudwego;
khidzo u haladzwago khidzo khu sagadzyana.
4Nyi phare, nyi gulandrela khu gututuma!
Mufumeli a nyi bedzide makhuvini gwaye.
Hi na gu zundza hi gu tsakela.
Hi na nengela ni gutsaka avbo gwago,
hi na gualakanya khu lihaladzo lago nya gutshambe
guvbindra dosi nya dziuvha.
Avo valulamidego, va ngu gu gola.
5 Nyamayana —Nyi di sivbala sangu,
aholu nyi mburide,
enu sagadzyana sa Jerusalema,
nya gu fanana ni mitshatsha ya Kedhari,
gu fanana ni myendra nya makhuvi ya Solomoni.
6Mu nga nyi woni olu nyi nga sivbala,
kholu nyi nga vbiswa khu lihani.
Vandriyangu va nyi goroside;
va nyi vega gu ghadha marembwe,
aholu lithembwe li nyi lumbago kha nya li ghadha.
7Nga nyi embela, uwe gigodwa nya monyo wangu,
wa gu havisela hayi tshambi wago?
Khu gikhati nya midiya wa guya zumbela hayi?
Gasi nyi si legalegi khu hwane nya mitshambi
ya dzipari dzago.
8 Mwama —Wa gumba dziti uwe u gu mburi nya dzimburi,
landra migondro nya tshambi;
u ya havisa dziphongo dzago vbafuvbi ni mitshatsha
ya vahavisi.
9Gigodwa gyangu, uwe wa gu fanana ni dzikavalu
nya dzikareta dza Faro;
10Sigundru sago si mburisedwe khu dziphera nya sugu
ni thamoni gwago gumburisedwe khu wulungu
nya gukhedzige.
11Hi na gu girela karara nya ndralama,
hi wu mburisela khu dzibutawu nya parata.
12 Mwangadzi —Avbo mufumeli a nga bani a khade vbamezatunu gwaye,
vbagikhalotunu gwaye,
a dipwa gunengela nya mafura nyi nga bani nyi tode.
13Gigodwa gyangu gya gu fanana ni kwama
nya mafura,
wu khalago vbamaveletunu gwangu.
14Gigodwa gyangu gya gu fanana ni gitsatsa
nya senge nya guage
sa mahangeni ga Eni-Ghadhi
15 Mwama —Gigodwa gyangu, idzo u mburidego khidzo!
U mburide ngudzu!
Maho yago ma gu fanana ni lituva.
16 Mwangadzi —Idzo u gu mburi khidzo gigodwa gyangu!
U lidzaha nya gunengedzise!
Lidahu lathu, khya matamo nya gunyuge,
17minaneko nya nyumba yathu, khya sedhari,
ni dzimbano dzakone khya siperesite.
Currently Selected:
Gizimba 1: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
