Muhevbudzi 12
12
Wukhosane
(Dzindzimo 71:17; 119:9)
1Alakanya Muvangi wago
na wu ngari lidzaha,
kholu ma na vboha matshigu nyambasi yadi,
a gu myaga u na ganelago gukhuwe:
“Guvbanya kha gu nga gu tshamba gambe;”
2na gu si gu pfhupheli lidambo, ngima ni dzinyeledzi,
ma wuya mapfhi hwane nya gu bani yi wide ndzadzi;
3litshigu dzighadhi nya ndranga yago dzi na gu phela
gu ndrendremela,
dzindrena dzi pilega hwambo, ni vatshindri va ema
kholu a gu vadugwana,
ni avo va kheviselago khu sihogo va si woni;
4avbo gu na gu segwago malimba dzindzilani,
khu gu vbunguga nya gudzume nya gitshindro, gu khugega malito nya sinyoni ni gu vbunguga malito yatshavbo nya dzindzimo;
5ni litshigu gambe va na thavago gu gwela sigomo,
gu manega gu thusedzedwa mudzindzilani, mikandzu yi thela nyenvu,
dzimbera dzi na hodza dzi nona, dzi kodwa khu guhodza.
Kholu muthu a na hongola gaya gwaye nya mahegiso,
va malile na va gu dzundrulugela dzindzila;
6Ngodzi nya parata na yi si gu pilegi,
na gu si gu pandregi mbiya nya ndralama,
gu si gu pandregi khali namboni,
na gu si gu pandregi ngongola, vbafuvbi ni nambo.
7Khu kharato kudzudzwane wu na bwelele mafuni wu
dugedego umo,
ni hefemulo wu bwelela ga Nungungulu a wu giridego.
8Gu dzi pfhadza, nya gu dzi pfhadze, a di ganela
kharato Muhevbudzi, khuye: Satshavbo gu dzi pfhadza.
Magana nya guhegise
9Muhevbudzi vbatshani nya gu bani ari muthu nya guti,
a di hevbudza vathu wugengeli.
A di hevbula gwadi, a tugula ni gu sasamedza mavingu nya mangi.
10Muhevbudzi a di vbwetedzela magana nya yadi,
a lova khu gululama mahungu nya lisine.
11Magana nya vathu va gengedego ma gu fanana ni dzitshingano,
kha nga dzikhogo dzi khokhotedwego dzi tiya:
Magana yaya na ma gu tshamusedwa khu muhavisi moyo basi.
12Nya gikhongolo mwanangu, khegi: Gu mwalo mahegiso
nya gugire mabhuku,
gu hevbula ngudzu gwa gu hagadza givili.
13Litshina nya guete nya satshavbo u si pwidego kheli:
Thava Nungungulu u sayisa milayo yaye,
kholu eyi khiyo fanelo nya muthu watshavbo.
14Nungungulu a na lamula mithumo yatshavbo,
ni satshavbo si sihadego, iso nya sadi niso nyamba sadi.
Currently Selected:
Muhevbudzi 12: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
