Bheni Siraki 9
9
Gudziwonela ni vanyamayi
1U nga khali wufu ga nyamayi
nya gu mu gole,
gasi u si mu hevbudzi gu gira silo
nyamba sadi.
2U nga dzi ningedzeli ga nyamayi
kala a vboha avbo nya gu gu khozise.
3U nga hidzimeli ga nyamayi nya
liphuphulu,
gasi u si thegi milaphwini gwaye.
4U nga gimbili ngudzu ni nyamayi nya madandre,
gasi u si ndrindrwi khu milaphwi yaye.
5U nga dzegi maho yago u ma vega
ga mbiri,
gasi u si mani tsayiso khu kota yaye.
6U nga dzi ningedzeli ga vanyamayi
nya sibhayi,
gasi u si luzisi thomba yago.
7U nga digi maho yago ma legalega khu
dzindzila dza dhoropani,
ambari gu gimbilela malangani gwaye
nya giwula.
8Ndreyisa maho yago ga nyamayi
nya wumburi,
u nga dzegi gikhati nu gu ronogela wumburi
wa vane;
kholu vangi va fudego khu kota nya wumburi
nya vanyamayi.
Wumburi wu ngu khondrisa nilo nya
wudogodogo.
9U nga khali dangamwedo ni ngadza vane,
ambari gu sela naye wadwa nya guvave,
kholu monyo wago wu nga tshukha
wu mu dogorela,
gunavela gwago, gu gu yisa gumbembani.
Mavbanyelo mayelano ni dzipari
10U nga hambani ni pari yago ya gale,
kholu eyi nya yiphya kha yi na fana naye.
Wadwa nya wuphya, pari nya yiphya;
wu dige wu vava, u na wu sela wu tshamba.
11U nga dogoreli wuzundzo nya gighohi,
kholu khu guti mahegiso nya gumbembiswe
gwaye.
12U nga tsaki khu gunengela ga vale
nya guvivbedwe khu monyo,
pima nya gukhuwe, va na tsayiswa
va si gu releli wulangani nya vafi.
13Ndreya ga muthu a gu ni tshivba nya
gusonge,
khu kharati, uwe gima khu na nga thava gu songwa.
Aholu, wa gu mu hidzimelela, u nga ghohi,
kholu, a nga tshuka a gu songa.
Khala nu gu dziti nya gukhuwe wa gu gimbila
vbakari nya milaphwi,
gambe wa gu gimbila khu vbatshani nya mabhiyo
nya lidhoropa.
14Aholu wa gu dzi kodza, zama gu vbweta
muakelane,
u lulekwa khu vanyaguti.
15Mabhulo yago gira ni va nya ndruda,
ni magana yago yatshavbo ma na lulame khu guruma
nya Nayo wa oyu a Khusegidego Ngudzu.
16Vathu nya guzundzege va na khale vangana
vago u hodzago navo,
thomba yago, khu gu ninga githawo Nungungulu.
17Meseri gu zundzwa khu thumo nya
mandza yaye,
muthangeli nya vathu a gu thavisega, khu
wugengeli nya magana yaye.
18Gilo gi thavisago dhoropani khu muthu
nya siregerege,
ni muthu nya makolo ni gu hakha mahungu
a ngu vengeledwa ngudzu.
Currently Selected:
Bheni Siraki 9: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.