Bheni Siraki 8
8
Milayo nya mavbanyelo
1U nga ganedzisani ni muthu nya tshivba,
kholu u nga tshukha u thegela mandzani
gwaye.
2U nga dwani ni muthu nya gitetema,
gasi a si gu wugeli khu tshivba yatshavbo nya wufumu
waye,
kholu ndralama yi luziside nya vangi,
bwelo khavbo yi senga ni myonyo ya vafumeli.
3U nga ganedzisani ni muthu nya mambwaga,
gasi u si engedzeli dzikhuni
niloni gwaye.
4U nga vbanyi ni muthu nyambasi wadi,
kholu a nga tshukha a ganela guvivba
khu vavelegi vago.
5U nga nyenyi muthu a dzi layago
khu gihoso gyaye,
dundruga nya gukhuwe hatshavbothu
hi ngu yedwa khu tsayiso.
6U nga nyenyi muthu a gumbidego,
kholu ethu nethu hi na gumba.
7U nga tsakiswi khu gufa nya muthu
nya gukari,
kholu dziti nya gukhuwe
hatshavbothu hi emedwe khu gufa.
8U nga kanyisi mawonelo ya vathu nya guti,
aholu dzi ningedzele sihevbudzoni nya
malamulelo yawe,
kholu khavbo gwawe u yelago
gu mana sihevbudzo,
gasi gu hevbula thumo nya guyele gu
thumela gwadi sitetema.
9U nga kanyisi sihevbudzo sa vakhongolo nya vathu,
kholu avo navo va si hevbude ga
vavelegi vawe.
Sihevbudzo nya nayo u na si
mana khavbo gwawe
ni mano nya gukodze gu ninga
khayo dziphindrulo dzi vbwetegago.
10U nga khondrisi magala nya sighohi,
gasi u si vbiswi khu malavbelavbe nya
nilo wawe.
11U nga dzi khusedzi mbeli ga muthu
nya dzihanyi,
a nga gu dembela khu
magana yago;
12u nga fuyarisi dzitsapawu ga muthu
nya tshivba guvbindra uwe,
kholu wa gu mu fuyarisa, dzi wone
gukhwatshi u di dzi luzisa.
13U nga lombi gu fuyari silo nya tengo
wu vbindrago tshivba yago,
kholu wa gu fuyari,
u na gurumedzwa gu livba mangava.
14U nga ganedzisani ni mulamuli,
kholu u na lamudwa gukhedza khu
giemo gyaye nya guthavisege.
15Wa gu bani u endra, u nga dzi bedzedzeli
ga muthu nya gugole gudoma vakwawe,
a nga gu rwega milandru yaye,
kholu uye a gu thumisa basi gugola nya monyo waye,
u ngafa gumogo naye khu kotani nya guhandruge gwaye.
16U nga vbenyisani ni muthu nya
gihafane,
ambari gu longoloka naye malangani
nya giwula,
kholu uye kha khathali khu gu songa muthu,
a nga gu songa avbo a na wonago nya gukhuye
mwalo muthu nya gu gu lamulele.
17U nga lembi ni va nya guhandruga,
kholu avo kha va kodzi gu siha milembo.
18Mbeli ga muthu nyamba muti,
u nga giri gilo gi yelago gu khala nari sihalo,
kholu khu giti gwadi igyo a gi pimisago.
19U nga tuli monyo wago ga wevbini muthuyo,
u nga dwaneli gu mana giphaso khavbo gwaye.
Currently Selected:
Bheni Siraki 8: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.