Bheni Siraki 5
5
Gumba hagana khu wuhindzi wa Nungungulu
1U nga dzi pfhadzi khu dzithomba dzago
u ganela, khuwe:
“Nyi naso nya gu nyi enelele.”
2U nga dzi digi u pengiswa khu gudogorela ni
tshivba yago,
u landrisela manavelo nya monyo wago.
3U nga ganeli, khuwe:
“Khu mani a na gu nyi palago?”
Kholu, khu lisine, Pfhumu a na gu tsayisa
khu tshivba.
4U nga bhumi, khuwe: “Nyi ghohide,
aholu ginani nya guvivbe gi
nyi dugeledego?”
Kholu Pfhumu kha vbiredzeli gu
gu tsayisa.
5U nga vbanyi khu gu tumba
gutsetseledwa,
u wungedzela gighoho vbatshani
nya gighoho.
6U nga ganeli, khuwe: “Wuhindzi
wa Pfhumu wukhongolo,
Uye a na nyi pwela gisiro khu gutala nya
sighoho sangu!”
Kholu avbo gwaye wuhindzi ni likhulo,
sa gu longoloka gumogo;
likhulo laye li na vbalaga vbatshani
nya sighohi.
7U nga hweli guvbindrugedza u wuya
ga Pfhumu,
u nga thindreki khuwe, kala mindru,
likhulo la Pfhumu li nata khu githugedza,
uye a nata gu mbembisa litshiguni
nya tsayiso.
8U nga tumbi dzithomba dzi gu mwalo fanelo,
kholu kha dzi na guphasa gilo tshiguni nya
tsayiso ni gidema.
Guti mu gu ganelani
9U nga dzumeledzeli satshavbo
gambe u nga gimbili khu dzindzila dzatshavbo,
khidzo gi girago gighohi nya ndzundzwane,
nya gulaphise likana.
10Tiya mugudzumelani gwago,
lito lago li na khale limwedo basi.
11Riya ndzeve u yingisa gwadi,
u hwela gu hakha.
12Wa gu bani nuri ni wugengeli,
ninga phindrulo muakelane wago,
aholu wa gu bani nuri mwalo nawo
sega likana.
13Guzundza ni gupoyila
somo mabhuloni,
muthu a gumbembiswa khu lidimi laye.
14U nga khali mukutsedzeli nya mayunga,
ambari gu singedza khu lidimi lago,
kholu gwa gu bani guromo gupoyidwa ga mbafa,
muthu nya milembo a na mana
tsayiso nya yikhongolo ngudzu.
15Dzi vhikele sihoso ga silo nya sikhongolo
niso nya sidugwana,
wupari, u nga wu vbindrugedzi wu khala wulala.
Currently Selected:
Bheni Siraki 5: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.