Bheni Siraki 49
49
Josiya ni Jeremiya
(2 Dzipfhumu 22—23; Jeremiya 20:1-6; 37:11-21; 38:4-13)
1Gudundruga Josiya, gu fanana ni patano nya
mafura ma dongisedwego khu mugiri nya
mafura nya gunungele.
Sidundrugiso saye satshavbo si na lombela
kha nga wulombe maganani gwa vathu vatshavbo.
Si na fana ni wutsendze umo nya buzo gu
sedwago wadwa.
2Josiya a di landrisa ndzila nya gululame, a gira
vathu va vbindrugedza mavbanyelo,
a fuvisa satshavbo si nga bani si nyenyezisa
mavbanyelo nya vathu.
3Monyo waye a di wu ningela ga Pfhumu;
matshiguni nya sigaradzo uye a di khala
muthu nya wadi nya gukhodwe ga Nungungulu.
4Gudiga Dhavhidhe, Ezekhiya ni Josiya,
vatshavbo vambe vafumeli va Judha va di engedzela sighoho
sawe.
Kholu va di hambana ni Nayo wa Uye a
Khusegidego Ngudzu,
kharato, vafumeli va Judha va di tshipa.
5Khu guralo, va di gurumedzwa gu ningela
wufumu wawe ga vambe,
ni wudhumo wawe ga litigo nya valombo.
6Valala va di vbisa lidhoropa li hathidwego gu
khala wulanga nya miphaso,
dzindzila dzaye dzi vbindrugedza dzi khala
siwula,
kha nga idzo a nga profetago khidzo
Jeremiya.
7Kholu avo va di mu tshaniside,
uye a nga todzwago gu khala Muprofeti,
gukhugela ndrani ga mayi waye,
gasi gu sigula, gu pfhungumula ni gu gira
marumbi,
afela gu vbahedza ni gu yala gambe.
Ezekiyeli ni likhumi na vavili vaprofeti
(Ezekiyeli 1—3; 9—10)
8Ezekiyeli a di wona giwoniso nya wudhumo,
a nga yeyedzwago khu Pfhumu, nari
karetani nya dzikerubhimi,
9kholu uye a di dundruga valala vaye, a va
rumela gingulu,
aholu a di vbanyisa vale va gimbilago khu
ndzila nya gululame.
10Gasi vale nya likhumi na vavili vaprofeti,
marambo yawe ma na thele senge marowoni
gwawe,
kholu avo va tangadziside Jakobe
bwelo khavbo va mu tiyisa khu wukhodwa ni
gitumbo nya guvbanyiswe.
Vathu va na wuyiswago khu wugumbini
(Ezira 3:2—5:2; Nehemiya 3—4)
11Hi na dandrisa kharini wudhumo wa
Zorobhabheli?
Uye khade kha nga phera nya gitambo mandzani ya
nyamudye.
12Khidzo saye, magirelo ya mamowo nuye Jesu,
mwamana wa Jokedheki.
Avo matshiguni gwawe va vbahide
nyumba
ni gu emisa wulanga nya guage va yi
phasela ga Pfhumu Nungungulu,
gasi gu khala wudhumo nya
gupindruge.
13Nehemiya nuye, a na dundrugwe khu
guzundzega,
vbahedzide mabhiyo yathu ma nga bani ma
khungumuledwe gu khala marumbi,
giride nyaluphye malimba yathu, a vegedzela
sikwinyaro,
ni gu vbahedza dzinyumba dzathu.
Henoki, Josefe, Semi, Seti ni Adhamu
(Genesi 4:25-26; 9:18-27; 42:4-7)
14Mwalo a velegidwego mafuni nya gufanane
ni Henoki,
uye nuye a di dzegwa khu mafuni momu a khusedzedwa guya
ndzadzini.
15Mwalo gambe hi mu wonidego nya
guvelegwe nya gufanane ni Josefe,
muthangeli wa vandriyaye ni musayisi wa
vathu vaye.
Marambo yaye ma vegesidwe gwadi khu githawo.
16Semi ni Seti va manide wudhumo vbakari nya vathu,
aholu vbatshani nya sigiro satshavbo si nga
vangwago nya guvbanye, womo Adhamu.
Currently Selected:
Bheni Siraki 49: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.