Bheni Siraki 48
48
Eliya
(1 Dzipfhumu 17:1; 18:36-38; 19:9-21; 2 Dzipfhumu 1:10-17; 2:1-12)
1Khu hwane nya ugo gu dita Muprofeti
Eliya, nya tshivba nga nilo;
magana yaye ma di khondra nga mwenge.
2Giride gu a va resela ndzala,
khu gu dzi ningela gwaye, a di va vbungula
va khala vadugwana.
3Khu magana ya Pfhumu Nungungulu a di
sega ndzadzini yi siwi ndzadzi,
khu kharati a di tshisa nilo nyondro tharu
4Idzo u zundzegidego khidzo, uwe Eliya,
khu siliwugiso sago!
Khu mani a yelago gu dzi zundza nga uwe?
5Uwe u duside muthu khu phalani nya lufu
khu magana ya Uye a Khusegidego Ngudzu;
6uwe u bedzide gumbembani vafumeli,
u thesa khu dawuni gwawe vathu nya
guzundzege;
7uwe u yingiside gulamula ga Pfhumu
gigomoni ga Sinayi,
ni sileletelo ni guphodzela gwaye gigomoni
ga Horebhi;
8uwe u todzide vafumeli gasi gu lamula avo va
girago sihoso;
u tiyiside vaprofeti gasi va tshala
wulangani gwago;
9uwe u khusedzedwe ndzadzini vbakari nya
gipupwane nya nilo;
umo nya kareta nya gudrindrwe khu
dzikavalu nya nilo;
10uwe u hathidwe umo nya sileletelo nya
dzinango
gasi gu vbodzisela likhulo la Pfhumu na li si gu kudzugi,
gasi gu rudzisela myonyo ya vavelegi ni
sanana, va wuyelelana
ni gu wusedza mahundzu ya Jakobe.
11Va kategide avo va gu wonego ni avo va
fedego lihaladzoni ga Pfhumu;
kholu ethu nethu hi na vbanya khu lisine.
Elizewu
(2 Dzipfhumu 2:9-15; 6:12-23)
12Avbo Eliya a nga khusedzwago umo nya
gipupwane nya nilo,
Elizewu a di tadzwa khu liphuvbo laye.
Matshiguni gwaye, uye gima kha nga
thava vafumeli;
mwalo a nga dzi kodzago gu mu tshanisa.
13Gimwalo gi nga bani gi mu garadzela,
ambari hwane nya gu bani na fude, girumbi
gyaye gi giride wuprofeti.
14Na nga gu vbanya, giride siliwugiso,
hwane nya gu bani na fude giride
sisamadziso.
15Ambari khu satshavbo isoso, vathu kha va
vbindrugedza mavbanyelo,
kha va ndreya musighohoni gwawe,
kala avbo vathu va nga vbagedwago kha nga sibotshwa
va gu tutumiswa tigoni gwawe,
va legalegiswa ni litigo latshavbo.
16Gu di tshala basi vathu nya vadugwana,
ni mufumeli moyo nya linyumba la
Dhavhidhe.
Ezekhiya
(2 Dzipfhumu 18:13—19:37; 20:4-11; 2 Dzikoronika 32:5-33; Isaya 38:4-8)
Vbakari nya vafumeli, va diromo vambe va nga girago esi
si tsakisago Nungungulu,
aholu vambe va di gira sighoho nya singi nyambana tengo.
17Ezekhiya a di bhiya lidhoropa laye khu
likhokhola,
a di kemba giwindri khu simbi
gasi gu ndrindra mati ma bela ndrani nya lidhoropa.
Vbahide madhamu nya mati.
18Gikhatini nya gufume gwaye a dita
Senakerebhi,
a nga rumelago Rabisake, a ta thawuludza
mandza yaye a wugela Siyoni,
a dzi gira matshandza khu kotani nya tshivba
yaye nya yikhongolo.
19Khu guralo myonyo ni mandza ya va na Israyeli si di
vbela tshivba,
vapwa wuvi nya nga wa vanyamayi va
lumwago.
20Va di lila ga Pfhumu Nungungulu nya
wuhindzi,
va gu khusedza mandza yawe va lomba ga Uye.
Uye nya Guage nari khu Ndzadzini a di
vbiredzela gu va yingisa,
a va vbulugisa khu gyandza gya Isaya.
21A di sasela wughovelo wa Vaasiriya,
va mbembiswa khu ngilozi ya Pfhumu
Nungungulu.
22Kholu Ezekhiya a di gira mithumo ya
gutsakise Nungungulu;
a di tiya gu gimbila khu ndzila nya gutimisele ya babe
waye Dhavhidhe,
gukhedza khu sileletelo a nga ningwago khu
Isaya, Muprofeti nya khongolo ni
gutumbega siwonisoni gwaye.
23Gikhatini gwaye giride lidambo li bwelela
hwane,
a gu laphisa matshigu nya guvbanye ga
mufumeli.
24Khu liphuvbo laye nya likhongolo,
wonide mahegiso nya dzinango,
a gu tangadzisa vathu va Siyoni va nga bani va gu lila.
25Tugudziside iso si nga bani si vbweta
gu wonega khu sikhati si nga gutago,
ni silo si sihadego na si si gu giregi.
Currently Selected:
Bheni Siraki 48: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.