Bheni Siraki 47
47
Dhavhidhe
(2 Samuweli 5:1-25)
1Khu hwane ga Samuweli gu di dugelela Natani a ngata ganela
wuprofeti waye
gikhatini gya Dhavhidhe.
2Kha nga mafura nya girengo gi
payidwego ma hambaniswago ni nyama,
kharato nugo Dhavhidhe hambanisidwe ni sanana sa
na Israyeli.
3A di hagana ni dzinghala gukhwatshi a gu
hagana ni giphongwana,
a wona sikankanka nga sinvutana.
4Khandri uye wudzahani waye a nga songago
gidandrangulu
a gu vbedza givalo ga vathu vaye,
khu gu khusa mandza ni giwindri nya fijiga yaye
a vbedza matshandza ya Gholiya, gani?
5A di lomba khu lisine latshavbo ga Uye a
Khusegidego Ngudzu,
uye a di mu ninga tshivba nya gupfhungumule khu gyandza
gyaye gya nyamudye,
ndrena yeyi nya dzinyimbi nya guthise,
a khusedza kharati tshivba ya vathu vaye.
6Vanyamayi va di mu dhumisa gambe kholu a nga songago
likhumi magumi mazana vama (10.000);
zundzegide khu sikategiso sa Pfhumu
Nungungulu,
va mu ningide hari nya wuzundzo.
7Uye sasede valala khu maphuvbo
yatshavbo,
a mbembisa Vafilisitiya, ni avo va nga bani va
mu wugela,
a pfhungumula tshivba yawe kala na
muhuno.
8Mithumoni gwaye gwatshavbo, a di bonga
Uye a Agidego,
ga Uye a Khusegidego Ngudzu, khu magana nya wuzundzo.
A di embelela dzindzimo khu monyo waye watshavbo,
a gu gola muvangi waye.
9Emiside vaembeleli mbeli nya giluvelo va embelela,
khu malito yawe ni matembo yawe nya
gutshambe.
Tshigu ni litshigu va di rungudza Pfhumu khu dzindzimo dzawe.
10Ningide wumburi mibuzo,
a gu lulamisela khu wuzundzo matshigu
nya mikhuwo nya yikhongolo,
gasi gu rungudzwa lina nya gukatege la
Pfhumu.
Gukhugela mambagugya gu di pwala dzindzimo nya rungudzo Wulangani nya Guage.
11Pfhumu Nungungulu a di mu tsetselela
sighoho saye,
a gu dandrisa mufumo waye kala gupindruga.
A mu tiyiside vbawufumutunu khu gidzumeledzwano gyaye,
a gu mu ninga gikhalo nya wufumu nya
wudhumo tigoni ga Israyeli.
Solomoni
(1 Dzipfhumu 3:4-28; 5:9-18; 10:1-27; 2 Dzipfhumu 17:21-23)
12Khu hwane gwaye, a di tshikedzwa khu
mwanaye Solomoni, nya gutale khu guti;
khu tshivba ya babe waye, andriside mufumo waye
bwelo khavbo a wu ninga gurula.
13Solomoni fumide litigo na li tengide, na liri
gurulani.
Nungungulu a di mu tadza khu gurula gasi a
kodze gu mu vbahela Nyumba nya
gurungudze umo lina laye
ni gu mu dongisela wulanga nya miphaso
nya gupindruge.
14Solomoni, gukhugela wudzahani gwago guti gwago gu diri
gungi ngudzu!
U di tala khu guti nya gungi ngudzu gufanane
ni tsongo!
15U fenengedzide litigo latshavbo khu
wugengeli wago,
u li tadza khu wulamuli wago ni mavingu nya
wugengeli,
16Ndruma yago yi vbohide kala sidwani sa
hwindzo,
u godwe khu vathu kholu u nga rudzisa
litigo.
17Khu dzindzimo dzago, mavingu, sipimaniso
ni mitshamuselo,
va gu liwugide tigoni gwatshavbo.
18Khu lina la Pfhumu Nungungulu,
a ranwago pwani Nungungulu wa
Israyeli,
u wungedzede ndralama gukhwatshi wa gu
wungedzela sugu,
u bwelo khavbo u wungedzela parata gukhwatshi
thovhu.
19U dzi ningede lihaladzoni la vanyamayi,
u va ninga wulanga va fumela givili gyago.
20U ghohede wuzundzo wago,
u nyenyezisa livelego lago,
khu guralo u ranide likhulo la Nungungulu
vbatshani ga sanana sago,
u si giride si tsayiswa khu kotani nya guhandruge gwago.
21Khu guralo, u dzi wusede libango li nga kabanisa
mufumo wago,
khu magirelo yoyo, gu dugide khu ga linyumba la
Efrayimi wumbe mufumo nya wuwugeli.
22Aholu Nungungulu kha divaledwa khu
wuhindzi waye,
gambe kha thindregisa ni limwedo basi nya magana yaye,
kha sigula khu mikhambani livelego la
gihathwa gyaye,
ambari gumbembisa linyumba la uye a nga
bani a gu mu gola.
Khu guralo tshide mitshaledwa ya Jakobe,
a gu tshiya pfhundre nyumbani ga Dhavhidhe.
23Khu guhegisani, Solomoni a diya hefemula
gumogo ni vavelegi vaye,
hwane gwaye a di tshiya gyanana nya lifumbu
laye, Robhowamo,
muthu nya guhandruge,
gumogo ni guhamuga mapimo.
Robhowamo khu gulamula gwaye, a di
gorosa vathu, va gu wugela mufumo.
24Jerobhowamo, mwamana wa Nabhati, a di
ghohisa va na Israyeli vatshavbo
a gu tulela ndzila nya gugire guvivba va na
Efrayimi.
Sighoho sawe si di wungedzelana ngudzu, kala va hegisa
khu gu lundrwa tigoni gwawe nya mavelego.
25Va dzi bedzedzela guvivbani gwatshavbo,
kala avbo tsayiso wa Nungungulu wu
nga tshigago vbakari gwawe.
Currently Selected:
Bheni Siraki 47: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.