Bheni Siraki 46
46
Josuwa ni Kalebi
(Josuwa 1:1; 10:10-15; 14:6-15)
1Josuwa, mwamana wa Nuni, ndrena umo nya
nyimbi,
tshikedzide Mosi thumoni nya wuprofeti.
Kha nga idzo lina laye li yeyedzago khidzo,
uye khade muvbanyisi nya khongolo wa
sihathwa sa Pfhumu Nungungulu,
khu gupala valala vatshavbo va nga
mu wugelago
a gira gukhuye va na Israyeli va mane thomba yawe.
2A di mana wuzundzo nya wukhongolo ngudzu,
avbo a nga bani na gu khusedza mandza yaye
a nonedza litshari nya guwugele madhoropa ya valala!
3Khu mani mumbe wa gale a nga
fananago naye?
Uye khuye a nga gimbidzisa dzinyimbi dza
Pfhumu Nungungulu.
4Ina kha emisa lidambo, khu guruma nya
mandza yaye, gani?
Kha sa girega gu litshigu limwedo li lapha
kha nga matshigu mavili, gani?
5Uye a di lombelela ga Uye a Khusegidego
Ngudzu, Mune nya Tshivba Yatshavbo,
gikhati valala va nga bani va gu mu dhumela
khu maphuvbo yatshavbo.
Pfhumu nya yikhongolo yi di mupwa, yi rumela
guthega siwindri nya maralala nya tshivba
ngudzu.
6Ma ta fenengedza vbatshani nya masotshwa
ya nala,
a ta va mbembisa releloni nya kova, gasi mayigo ma yiti
tshivba nya matshari yaye,
kholu uye a di dwana nari mbeli ga Pfhumu
Nungungulu.
7Uye a di landra mune nya Tshivba Yatshavbo
khu lisine laye latshavbo;
gikhatini ga Mosi, a di giride thumo
nya gupwele gisiro,
uye gumogo ni Kalebi, mwamana wa Jefune.
A di thanga mbeli nya gidzemo,
a gu himbedzela vathu gughoha,
a rudzisa avo va nga bani va gu ngurangura
khu gu kutsedzedwa khu mapimo nya guvivbe.
8Avbo nya tengo nya livbandre na limwedo
magumi mazana vama,
khavo va vavili va hathidwego gasi va vbuluga
gufa,
gasi va kodze gubela vaya hakha thomba yawe,
tigoni gu gogago mahwe ni wulombe.
9Pfhumu a di ninga tshivba Kalebi;
tshivba yaye yi di simama kala gugumbani gwaye,
gasi gu gwela wulangani nya
gulaphe ngudzu gwa tigoni,
omu livelego laye li gu hakhidego gu khala
thomba yawe.
10Khu magirelo yaya, sanana satshavbo sa na
Israyeli,
si dzitide gukhiso gwadi ngudzu gu
landrela Pfhumu Nungungulu.
Valamuli
11Khu gulandrela va dita valamuli,
gu di ranwa moyo ni moyo khu lina laye,
vale myonyo yawe yi ngamba dzi bedza mu
guvivbani,
kholu avo kha va nga hambana ni Pfhumu.
Gialakanyiso gyawe gi na kategiswe.
12Marambo yawe ma na rumbuge marowoni gwawe,
ni malina yawe ma na simame ma vbanya
nyaluphye ga sanana sa vathu vava nya
guzundzege!
Samuweli
(1 Samuweli 3:1-20; 7:3-17; 10:1; 12:1-5; 28:1-3)
13Samuweli a di godwa ngudzu khu Pfhumu Nungungulu;
kha nga Muprofeti waye, Samuweli tumbulugiside
wufumeli
a gu todza dzindruna vbakari nya vathu vaye.
14Lamude vathu gukhedza khidzo wu rumago khidzo Nayo wa Pfhumu,
ni Nungungulu a di alakanya va na Jakobe.
15Khu gutumbega gwaye uye a di tidwa kha
nga Muprofeti,
khu magana yaye a di tidwa gambe,
kha nga mwama nya liwoni, mutuguli nya lisine nya misihalo.
16Avbo valala vaye va nga bani va mu
randrela khu maphuvbo yatshavbo,
uye a di lila ga Pfhumu Nungungulu nya
Tshivba Yatshavbo,
a mu dusela ningelo nya ginvutana
nya gunone.
17Pfhumu Nungungulu a di dzuma kha nga libara
ndzadzini
lito laye li di pwala khu gudzuma nya guthise
ngudzu.
18A phalalegisa vafumeli vatshavbo va Tiro
ni vathangeli vatshavbo nya Vafilisitiya.
19Gi si gu vbohi gikhati gyaye nya
guhefemule nya mahegiso,
a di gira wufakazi mbeli ga Pfhumu ni ga muthu waye a
todzidwego khu mafura,
khuye gima kha hakha
gyuma gya muthu,
ambari gu hakha masandrazi nya gukari,
khu guralo, mwalo nya guyele gu mu rwega
nandru.
20Ambari khu hwane nya gu bani na fude,
uye giride wuprofeti nya gutivise mufumeli
mahegiso yaye.
Nari khu vbavbatshi nya mafu a di khusa lito gasi
gu profeta gu pfhungumudwa nya esi nya guvivbe khu kotani
nya vathu va si dzumeligo gu khodwa.
Currently Selected:
Bheni Siraki 46: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.