Bheni Siraki 45
45
Mosi
(Ekisodha 7:10-14; 29:19-24; Vahebheru 11:24-29)
1Khavbo gwa situgulwana saye, gu velegidwe
mwama moyo nya wadi nya gululame,
a manidego wuhigo mahoni ga vatshavbo va
vbanyago;
gigodwa gya Nungungulu ni gya vathu
vatshavbo, khu Mosi,
gialakanyiso gyaye gi tadego khu makategwa.
2Pfhumu Nungungulu a di mu ninga
wudhumo nya gufanane ni wa sihathwa,
a manega ni tshivba nya guthavisele valala.
3Khu magana yaye giride siliwugiso;
a mu dhumiside vbakari ga vafumeli;
a mu ningide milayo nya gugimbidzise vathu vaye,
bwelo khavbo a mu yeyedza vbadugwana wudhumo waye.
4A mu agisede thumoni gwaye khu kotani nya gukhodwe
gwaye ni gu dzi nogisa,
a mu hathide vbakari ga vathu vatshavbo.
5A mu pwadzede lito laye bwelo khavbo a mu
hakha umo nya lipfhi,
na gu wonana naye khovbe ni khovbe;
a mu ningide sileletelo ni Nayo nya
guvbanye ni wugengeli,
gasi gu hevbudza gidzumeledzwano gyaye ga sanana sa Jakobe,
ni sileletelo saye ga sanana sa Israyeli.
Aroni
(Ekisodha 28—29; Levhi 8:1-14; Mitengo 16:1-17)
6Nungungulu khusedzide Aroni a katega gu fanana ni
Mosi,
ndriyaye, nya lihundzu la Levhi.
7Hungide naye gidzumeledzwano nya
gupindruge
a mu ninga wuphasi nya mhamba vbakari ga vathu vaye,
a mu tadza khu gunengela khu gu mu zundza
khu sombo nya wumburi,
a mu fenengedzide gifenengelo nya
wuzundzo.
8A mu ambagiside khu guvbelela nya
wuzundzo,
a mu tiyiside khu sombo nya wufumu a gu
esi: Simolowane, ngandzu ni gifenengelo.
9Dzuwulugo watshavbo nya gifenengelo gu di hungeledwe
simburiselo nya maroma ni vanyangendre
nyambana tengo, nya ndralama,
gasi gu pwadza sikingo nya migondro yaye;
gasi si womba, gupwala gudziya nyumbani gwaye,
kha nga gialakanyiso ga sanana sa vathu vaye.
10A mu ambagiside sombo nya miphaso nya
ndralama,
ni giwunguwungu nya guvbyuge,
ni gikhweso nya wulamuli gya vbakhanatunu, gi vegidwego
Urimi ni Tumini, thumo wa meseri
a vidzidwego gwadi;
11ni siwindri nya lisima si bethidwego nga gitambo umo nya gikhweletedzo nya
ndralama,
thumo wa mupfhuli,
ni milowo yi bethidwego kha nga
gialakanyiso,
gukhedza khu tengo nya mahundzu ya
Israyeli.
12A mu ningide gambe ni hari nya ndralama khu vbatshani nya
mwendra nya gudzongeledzele hungoni,
na yi bethidwe milowo yi ganelago khu guagiswa gwaye, ni
dzigalawu nya wuzundzo, thumo nya lisima,
nya gutsakise mahoni ni wumburi nya
guvbelele.
13Nasi gu vbohi uye, kha gya nga tshukha gi
manegide gilo nya lisima ngudzu kharati.
Mwalo muthu wa limbe lifumbu a nga ambagiswago
kharati;
vbavbandze basi ga sanana ni vatugulu vaye,
ni livelego laye khavo va na simamago gu si
ambala kala gupindruga.
14Dzimhamba dzaye dza gu tsagamiswa khu nilo,
guvili khu litshigu, nyamba pilega.
15Mosi a di mu phasela, a mu todza khu
mafura nya gukatege.
Gu di khala avbo gwaye gidzumeledzwano
gi na simamago kala gupindruga,
ga situgulwana saye,
gikhati gyatshavbo ndzadzini gu na gu simamago na guromo.
Va ningidwe gugira thumo nya miphaso nya guningele ga Nungungulu
ni wuphasi nya mhamba, ni gukategisa
vathu, khu lina la Pfhumu Nungungulu.
16A mu hathide vbakari nya
vatshavbo va vbanyago,
gasi gu ningela miphaso ga Pfhumu
Nungungulu,
libani ni mafura nya gunungele, kha nga gialakanyiso,
nya gugire ningelo nya ditshedzo khu vathu.
17Umo nya milayo yaye a mu ningide tshivba
nya gulamule khu nayo,
gasi gu hevbudza va na Jakobe sirumo saye
ni gutshamusela Nayo waye ga va na Israyeli.
18Vadugwana nya gukari nya
mambe mahundzu va di patana va mu wugela,
va mu girela lidiwo giwulani;
khu valendreli nya tsawa wa na Dhatani ni Abhiramo
ni tsawa nya masotshwa ya va na Kore, vatshavbo na va tade
khu likhulo ni giviti.
19Pfhumu a di si wona si si mu tsakisi,
va di mbembiswa khu guvbisega nya
likhulo laye.
A di gira siliwugiso vbakari gwawe,
a va mbembisa va dagarela gudzurani
nya nilo a nga va rumelago.
20A di bwelo khavbo a engedzela gambe wudhumo
wa Aroni,
a di mu ninga thomba,
a mu ninga fanelo nya guhakhe miningelo nya mihandro nya
guhegule,
ngudzungudzu guhodza nya gungi,
21kholu vaphasi va na ni fanelo nya guhodze sa
vbamiphaselotunu yi dusedwago Pfhumu;
egi gihiwa gi lumbago Aroni ni livelego laye.
22Aholu, mafuni momu uye kha yeli gu mana
thomba,
ambari gu hakha gipandre gyaye vbakari nya
vandriyaye;
kholu Pfhumu khuye gipandre nya thomba yaye.
Finiyasi
(Mitengo 25:7-13)
23Finiyasi, Mwamana wa Eliyazari, khuye
nya wuraru khu wudhumo,
khu gu dzi yeyedza gupinyama khu gu ninga
githawo Pfhumu Nungungulu,
khu gu simama a tiya vbakari nya vathu va
nga wugelago Nungungulu.
Khu wuwadi waye, giride gukhuye va na
Israyeli va mane gutsetseledwa.
24Khidzo kharato gu nga gira gu
Nungungulu a hunga naye gidzumeledzwano
nya gurule,
A mu ninga a khala uye mufumeli ga silo
nya guagiswe ni ga vathu vaye,
gasi wuzundzo nya wuphasi nya mhamba
gikhati gyatshavbo wu lumba uye ni livelego laye.
25Pfhumu Nungungulu giride gambe
gidzumeledzwano ni Dhavhidhe,
mwamana wa Jese, nya lihundzo la Judha;
gukhuye thomba nya wufumu yi vbindra
basi khavbo ga moyo nya sanana saye;
aholu thomba ya Aroni, ya gu lumba
lihundzu laye latshavbo.
26Pfhumu Nungungulu a na mi ninge
monyo nya guti,
gasi mu kodze gu lamula vathu vaye khu
nongameto ni gululama,
gasi ma si fuvi makategwa ya vakokwe,
ni gu wudhumo waye wu thaphele ga
situgulwana sawe.
Currently Selected:
Bheni Siraki 45: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.