Bheni Siraki 43
43
Lidambo
1Damboni gu agidego gwadi safa, gungangamela
gwa vbatshani,
ni makhalelo ya ndzadzini giyeyedzo nya
wudhumo.
2Lidambo avbo li dugago la gu huwelela, khilo:
“Wu ngu samadzisa thumo wa Uye a
Khusegidego Ngudzu!”
3Vbakari nya mihani, mafu ma gu banga ma vbisa;
Khu mani a dzi kodzago gu li tiyela lithonga
lakone?
4Gu khondriswa gikho gasi gu gira mithumo
nya gunyiviligise;
aholu lidambo vbatshani nya sigomo, la gu gadza nyondro tharu
guvbindra lilavbelavbe nya nilo.
Li gira gu furugedza liphuvbo nya nilo, li dusa gukhedziga
gu vbandzago maho.
5Khongolo khu Pfhumu Nungungulu a li
vangidego;
khu lito laye basi, thumo waye wa gu
vbiredzisa ndzila yaye.
Ngima ni dzinyeledzi
6Ngima nuwo womo gikhati gyatshavbo nyamba hosisa,
khuwo wu vegago dzinango ni giwoniso nya
sikhati si nga gutago.
7Ngima khuwo wu emisidego matshigu nya
mibuzo,
gukhedziga gwaye gwa guya na gu vbunguga gukhugela avbo
wu selago liduwa.
8Khuwo wu ningago lina tshangano nya matshigu ma girago ngima;
wa gu dandra khu dzindzila nya gusamadzise
khu sipandre saye.
Khuwo wenengedzo nya lidhuma nya
sivangwa sa damboni,
si khedzigago giseketeloni gya ndzadzini.
9Dzinyeledzi khidzo dzi mburisago ni
gu ngangamedzisa ndzadzini,
khuwo wumburi wu khedzigisago ndrengelengeni
gwa Pfhumu Nungungulu.
10Magana ya Uye nya Guage, ma gu dzi
komba gukhedza khidzo a rumago khidzo,
gima kha ma garali khu gu khala ma gu khevisela.
Siwonegiso nya guti dziphuvbo
11Khedza gwadi wulaho wa nyazimwe
u bonga wule a wu giridego;
gungangamelani gwaye wu mburide ngudzu.
12Uwo wa gu bhiya ndzadzini khu
dzuwulugo nya wudhumo;
uwo wa gu ladzwa khu mandza ya Uye a
Khusegidego Ngudzu.
13Khu guruma gwaye, Uye a ngu thesa
thondrwane,
a rumela mabara ni gulasa gukhedza khu guleletela
gwaye.
14Khu kotani nya isoso, gu ngu tulega
sisangala saye
mapfhi ma vbuvba nga sinyoni.
15Khu tshivba yaye nya yikhongolo, a ngu
phumisa mapfhi, gu pandregela
siwindri nya maralala.
16Gikhati Uye a vbohago, a gu kutsunga sigomo
khu gugola gwaye gambe, yi ngu furugedza
phuvbo nya siga.
17Khu guzindza nya libara laye, a gu thela hwanga litigo,
gu fanana ni gingulu nya Ronga ni
nya tshivba gipupwane.
18A gu thesa hunguva kha nga sinyoni
si mbakago;
Yi thega nga mbasa yi fenengedzago mafu;
maho ma gu samala wumburi nya guage gwaye,
ni monyo wa gu samala khu gu yi wona na yi
gu thega.
19Nungungulu a gu guhula vbatshani nya
mafu givera kha nga munyu;
avbo yi bangago khu girame, ya gu wonega khwatsi dzitshokha nya miba.
20Gufurugedza phuvbo nya girame nya
Ronga,
mati ma gu banga khu girame ma gira libona
nya gukhedzige,
li ladzwago vbatshani nya lilondre nya mati, li ma fenengedza kha
nga gighwabhata,
ma ambagiswa nga gikhweso nya gusihe khana;
21ya gu pfhungumula sigomo, yi vbisa siwula,
yi bangisa mitongwe yatshavbo nga nilo.
22Rendre nya guvivbe gwatshavbo gogu,
khu gu vboha lipfhi litago khu guvbiredza;
hwane nya guvbise, ya guta thondrwane, yi
na resa nyaluphye gutsaka.
23Gukhedza khu guti gwaye, Uye rudziside
nondrwa nya yiphwa nya guete,
a gu yala sidwa vbakari gwaye.
24Avo va gimbidzisago mataro phwani,
va ngu ganela khu dzimhango dzaye,
ethu hi va pwago, ha gu samala.
25Matini gu manega sivangwa nya
sikhongolo nya gusamadzise,
sirengo nya mafumbu nya guhambanelane
ni sirengo nya sikhongolo sa linene.
26Khu tshivba yaye, girumwa gyaye gi ngu
mana gudugelela.
Satshavbo sa gu girega gukhedza khu
magana yaye.
Mithumo ya Nungungulu yomo vbatshani nya wuzundzo watshavbo
27Ambari ha gu ganela nya singi ngudzu,
kha hi si kodzi gu si vbedza satshavbo
aholu hi na katsakanyisa khu magana
madugwana, khethu:
“Uye khuye satshavbo.”
28Hayini hi na yi manago ethu tshivba nya gu
Mu rungudze,
Olu Uye Nyadzitshivbe, a guromo vbatshani
nya sigiro saye satshavbo?
29Pfhumu Nungungulu thiside, wugulu
waye wu khongolo ngudzu,
tshivba yaye yi ngu samadzisa.
30Dhumisani Pfhumu mu mu khusedza,
khavbo mu dzi kodzago khavbo,
kholu Uye khongolo gikhati gyatshavbo.
Mu khusedzeni khu tshivba yanu yatshavbo,
mu nga garali, kholu gima kha mu na nga vboha
mahegiso.
31Khu mani a mu wonego Nungungulu gasi a kodze gu
ganela khidzo Uye a gu idzo?
Khu mani a dzi kodzago gu mu rungudza kha nga idzo Uye a gu idzo wurumba waye?
32Yingi ngudzu mithumo yaye yi nga
sihadego,
kholu hi nga wonide
yidugwana basi mithumo yaye.
33Pfhumu giride silo satshavbo,
gambe uye ningide guti vathu nya githawo.
Currently Selected:
Bheni Siraki 43: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.