Bheni Siraki 41
41
Lufu
1A ma lufu, idzo guvbisago khidzo gu gu dundruga,
ga muthu a vbanyago gurulani vbakari nya
dzithomba dzaye;
ga muthu a tengidego na ghanyide khu
satshavbo,
gambe nari ni makhalelo nya guvbanye gwadi.
2A ma lufu, idzo wu lombelago khidzo tsayiso wago,
ga muthu nya gisiwana nya gikhongolo,
gi vbeledwago khu tshivba,
ga muthu a dhedherekago a gukhuye gu
gimbila a gu thega,
a tadego khu wuvi nari mwalo gitumbo.
3U nga thavi gukonedwa gufa; dundruga
avo va vbindridego khu hwane gwago ni avo
va na gutago khu mbeli gwago!
4Ogu khu gulamula gwa Pfhumu Nungungulu
ga vathu vatshavbo;
ina u ngu yela gu yeyisa nayo wa Uye a
Khusegidego Ngudzu, gani?
Ambari na gu vbindride likhumi, lizana
mwendro likhumi mazana myaga, thowoni
nya vafi kha gu valedwi khu myaga nya
guvbanye.
Tsayiso wa avo nya guvivbedwe khu monyo
5Sanana sa sighohi#41:5 Sanana sa sighohi, khu sanana sa vale nya guvivbedwe khu monyo, khidzosaye ni sa vale va digago Nayo wa Nungungulu ni milayo nya wukhodwa waye va vbweta gu yeyedzela mavbanyelo nya vahedheni ni vathu nyambana nayo, nyambana gukhodwa. sa gu khala nga gilo
nya givalo,
kharato nugo ga vale va olovelago gubela
dzindrangani dza vathu nya guvivbedwe khu
monyo.
6Thomba ya sanana sa sighohi yi na mbemba;
situgulwana sawe satshavbo si na khala
gihegiso.
7Sanana sa mwama nya guvivbedwe khu
monyo, sa gu ninga nandru babe wawe;
kholu sa gu poyilega khu kotani yaye.
8Wusiwana avbo gwanu enu vathu nya
guvivbedwe khu monyo,
enu mu hambanidego ni Nayo wa
Nungungulu a Khusegidego Ngudzu!
9Mwa gu velegwa, mwa gu
velegedwa muguvivbani;
gambe mwa gufa, thomba yanu khu givalo.
10Satshavbo si dugago khu mafuni, satshavbo
si na bwelela gambe mafuni;
kharato nugo vathu nya guvivbedwe khu
monyo, va gu duga khumo nya givalo va bela
gumbembani.
11Vathu va gupwa wuvi ni gu lila khu gu luza nya
givili gyawe,
aholu lina la vale nya guvivbedwe khu monyo
li na fuviswa.
12Sayisa wuzundzo wago nya wadi,
kholu uwo wu na gu bangaladza ngudzu
guvbindra mazanazana nya dzithomba
nya lisima.
13Mavbanyelo nya yadi nya gululame, ma
na ni tengo nya gukari nya matshigwana basi,
aholu lina nya wuzundzo la gu simama kala gupindruga.
14Vanavangu, sayisani gwadi khu gurula
sihevbudzo sangu;
guti gu sihadego ni thomba yi sihidwego,
giphaso muni si gu nagyo?
15Nya wadi khu muthu a sihago wupumbu
waye,
guvbindra oyu a sihago guti gwaye.
Dzitshoni nya lisine
16Upwani, vanavangu, sihevbudzo si ganelago khu dzitshoni, thegani dzitshoni gukhedza khu milayo nyi
vbwetago gu mi embelani;
kholu khandri gwadi gu thega dzitshoni khu
silo satshavbo,
kholu khandri silo satshavbo si tsakisago
ga vatshavbo.
17Khalani dzitshoni khu gugira wuhonohono mbeli ga babe ni mayi wanu,
ni gu ganela malipha mbeli ga avo va mi fumelago ni
va nya gumanela;
18ni gihoso mu girago, mbeli ga ndruna ni
mulamuli;
ni guvivba mu girago, mbeli nya tshangano
nya vathu;
19ni wukanganyisi mu girago, mbeli ga mubangaladzi ni pari yanu;
ni guba malangani mu vbanyago umo,
20khu kotani nya lisine la Nungungulu ni
Gidzumeledzwano gyaye.
Khala dzitshoni khu gutsitsa dzikhungumudzi
nya mawogo vbamezatunu;
21ni gu vala gikhati nya guhakhe ni
gu ningela,
ni gumba hakha avo va gu losago;
22ni gu vega maho yago ma ronogela nyamayi nya liphuphulu,
ni gu gikha marundra nongo wago;
23ni gu pambula gipandre gi lumbago mumbe muthu,
mwendro ga igyo a ningidwego,
ni gu dzega maho yago ma khedzisa
ngadzavane;
24ni gu dzi tshanganisa ni githumi gyago
nya nyamayi;
u nga tshuki u hidzimela vbadawutunu
gwaye;
25ni gu embela dzipari dzago
magana nya guvale
ni gu va kawuka hwane nya gu bani u va
ningide gilogyo;
26ni gu wuyedzela gu ganela mapongowongo
u ma pwidego,
ni gu tugudzisa silo nya misihalo.
27Khu kharato u na bani nuri ni dzitshoni
nya lisine,
u na mana wuhigo mbeli ga vathu vatshavbo.
Currently Selected:
Bheni Siraki 41: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.