Bheni Siraki 38
38
Nyanga
1Zundza nyanga kholu a gu dzina saye u na
tshukha u yi vbweta,
kholu iyo yi vangidwe khu Uye a Khusegidego Ngudzu.
2Kholu guvbanyiswa gwa guta khu ga Uye a
Khusegidego Ngudzu,
gu fanana ni gihiwa gitago khavbo ga
mufumeli.
3Wugengeli wa nyanga, wu ngu yi khusedza
yi zundzega,
yi gu samadwa mahoni nya sitetema.
4Pfhumu Nungungulu giride mirendre
mafuni;
muthu nya mapimo kha yi hembululi.
5Ina khandri khu simbo a nga vbindrugedza khuwo mati nya gudunge ma tshamba,
a yeyedza kharati wuwadi waye, gani?
6Uye a Khusegidego Ngudzu ningide wugengeli vathu,
gasi a kodze guzundzwa khu sisamadziso saye.
7Khu wugengeli, nyanga yi ngu hawulugisa ni
gu vbodzisa guvbisa,
uye atigo mirendre a gu yi patedzela ni yimbe.
8Khu kharato mithumo ya Pfhumu
Nungungulu yi mwalo mahegiso,
khu ga Uye, gukhadzisega nya gwadi gu
ngu enedza tigoni gwatshavbo.
9Mwanangu, wa gu bani u dwala, u nga digi gu dzi sayisa wabune,
aholu lombelela ga Pfhumu Nungungulu,
uye a na gu vbanyisa.
10Ndreya ga gighoho, u sayisa
mandza yago na ma agide,
agisa monyo wago ga sighoho satshavbo.
11Gira ningelo nya libani ni wuguvbi nya
gudadatwe,
u songa sirengo nya gunone gukhedza
khidzo u dzi kodzago khidzo.
12U rana nyanga, kholu yi vangidwe khu
Nungungulu;
u nga hambani nayo, kholu iyo yi ngu
vbwetega yiromo vbafuvbi gwago yi
gu sayisa.
13Gyomo gikhati guvbanyiswa gu dugago
khu mandzani gwawe.
14Avo navo va na lombelela ga Nungungulu
gu a rumela khavbo gwawe, guhawuluga ni
womi,
gasi gu engedzela matshigu nya guvbanye
ga mudwali.
15Uye a ghohago mahoni ga wule a nga mu
vangago,
a nata thegela mandzani ga nyanga.
Phaso nya gugirele va nyagufa.#38:15 Umo nya gipimo gegi nya 38, gukhugela livhesu 16 kala 23, Bheni-Siraki a gu hi embela khu mahungu nya gusayise milayo nya gililo gukhedza khu tumbunugo wa Vajudha. Wona Tobh 1;16-20; Jer 9:16-20; Ezek 24:15-24; Amos 5:16. Aholu a gu hi hevbudza gambe gukhuye gu vbwetega hi wonegisa guti khu gu dzi phara ni gumba vbindrisa gulila gakone.
16Mwanangu, vbaladza marongo khu mufi,
lila nga muthu a bayisidwego ngudzu monyoni.
Dzinga girumbi gyaye kha nga giolovedzo,
u nga hembululi lithowo laye.
17Lila khu guvbisega, u womba dzihuwa
nya wuvi,
vega matshigu nya gililo, gukhedza khu
giyemo gya mufi, litshigu mwendro matshigu mavili,
gukhedza khu mawonelo ya
vatshavbo.
Hwane nya ugo, dzi tangadzise wuvini gwago.
18Kholu guvbisega gu ngu vbiredzisa gu
resa lufu
ni gukhuveka nya monyo gu ngu vbedza tshivba.
19Guvbisega gwa gu reswa khu wusiwana,
guvbanya khu gu dzi hodzedzela gu ngu
vbedza womi.
20U nga olovedzi monyo wago guvbanya khu
gu dzi hodzedzela,
aholu wu ndreyise ga wusiwana, u dundruga mahegiso
gwago.
21U nga divaledwi gukhuwe: Gufa gu mwalo
gubwelela hwane;
gi mwalo giphaso u na girelago mufi,
u na wuyedwa basi khu gu dzi thela sigaradzo wabune.
22Alakanya tsayiso nyi ningidwego,
kholu wago nuwo wu ngu fana ni wangu;
vbanova kheni, muhuno khuwe.
23Mufi bede guhefemulani a diga
gialakanyiso gyaye gi hefemula nigyo,
uwe mu tangadzise ga gikhati a salago,
a hefemudzega mahika nya guhegise.
Mulovi ni meseri
24Muthu a hevbudego milowo a gu dandrisa guti gwaye khu gu
na tshulegide ga mithumo nya wugwewo,
uye a gu mwalo mithumo ya yingi, a ngu
dzi kodza gu mana guti.
25A na kodza kharini gu mana guti uye a
thumisago liphadza nya dzimombe,
uye thomba yaye a gu gukhedzisela dzimombe,
hungegidego gikhati
gyatshavbo mithumoni gwaye,
uye a kodzago basi guganela khu
simombyana?
26Uye thumo waye watshavbo khu gu kela
misele,
ni mapimo yaye a gu ma vega thumoni nya guenise simombyana nya migadzi.
27Si ngu girega gambe kharato ga muvati
watshavbo ni muvbahi,
va thumago wutshigu ni mihani;
vale va bethago sifananiso nya
vanyangendre;
va si hambanisela khu thumo nya gupinyame;
wule a vegago monyo waye thumoni
nya gupendre;
a gu sayisa khu mapimo gasi gu vbedzisela gwadi thumo waye.
28Kharato gambe si ngu dugelela ga
mupfhuli nya dzisimbi a khalago vbafuvbi ni
gibethelo,
a wona simbi yi nyiviligiswago khu nilo na
wu mu vbisa nyama,
uye a gu timisela guvbisa nya gidhingiselo.
Ligwaha nya gikhokhotho la gu mu pola
dzindzeve khu guveta nya guwuyelele,
maho yaye ma gu ronogela
giwumbelo nya thumo waye.
Mapimo yaye yatshavbo a gu ma vega
vbathumotunu gwaye gasi gu wu tiyisa,
a wu mburisela ni gu wu vbedzisela gwadi.
29Kharato nugo si ngu girega ga muwumbi,
a dzi ningedego ga thumo waye,
a gu dzundrulugisela lirodha khu migondro,
gikhati gyatshavbo a gu sayisa thumo waye,
khu gu landrisa ndrima yi vegidwego.
30Khu mandza a gu wumba libumba,
a li ruwarisa khu migondro,
a gu kwatsela khu gihanga gasi yi vbelela gwadi,
a luza ligovbe khu guvbiyela gidhingiselo.
31Vatshavbo vava, va ngu tumba thumo
nya mandza yawe,
moyo ni moyo a na ni wugengeli thumoni gwaye.
32Nyambana avo li mwalo ni limwedo
lidhoropa li nga hadza gu vbahwa,
ambari gu vbanya umo vathu ni gu
endredwa.
33Aholu, avo kha va na bela umo nya
huwo nya vathu va tigoni,
kha va na manega umo nya mitshangano;
gambe kha va na khala vbasikhalotunu nya
valamuli,
kholu kha va yiti milayo nya wulamuli;
34ne kha va yeyedzi sihevbulo
ambari guti, ambari gu manwa na va gu hevbulela
sipimaniso.
Ambari ulo, khavo va tiyisago makhalelo nya
silo sa mafuni kala gupindruga,
milombelo yawe ya gu dwanela gugira gwadi
mithumo yawe.
Currently Selected:
Bheni Siraki 38: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.