Bheni Siraki 35
35
1Wule a landrisago Nayo a ngu gira miningelo
nya yingi;#35:1 Miphaso yi tsakisago Nungungulu khu yile yi longolokago ni gu landrisa milayo ya Nungungulu ni gu girela wuhindzi avo va hamugago. Wona 1 Sam 15:22-23.
uye a landrisago sileletelo a ngu gira
dzimhamba nya ditshedzo.
2Uye a dzi yeyedzago nari muthu nya wuhindzi
a gu ningela wuguvbi nya gudadatwe,
ni uye a girago wuhindzi a gu ningela
miphaso nya gubonge.
3Pfhumu a gu tsakiswa khu vale va
hambanago ni guvivba,
ni uye a dugago ndzilani nya wukanganyisi, a na mana
ditshedzo nya sighoho.
4U nga dzi bikeli mbeli ga Pfhumu
Nungungulu nuri mwalo gilo mandzani gwago,
kholu satshavbo sesi, sa gu landrisa
gileletelo gimwegyo basi.
5Phaso wa muthu nya gululame, wa gu tadza giluvelo,
ni mahema yaye ma gu nungela, ma gwela
kala ga Uye a Khusegidego Ngudzu.
6Phaso wa muthu nya gululame wu na hakhwa
khu mandza mavili,
ambari na fude, uye a na simama gu alakanywa.
7Dhumisa Nungungulu khu nongameto,
u nga bombi ni mihandro nya guhegule ya
mandzani gwago.
8Gira miningelo yago nu salalegide,
agisa gipandre gyago nya likhumi khu litsako.
9Ningela ga Uye a Khusegidego Ngudzu,
gukhedza khiso a gu ningidego;
ningela khu gugola, gukhedza khu avbo u
dzi kodzago khavbo,
10kholu Pfhumu a na gu bweledzela iso u ningelago,
khu satshavbo a na gu bweledzela
livbandre na guvili.
11U nga zami gu mu fidha khu sihiwa, kholu
Uye kha na si dzumela;
U nga tumbi miphaso nya silo nya
wukanganyisi.
12Kholu Pfhumu khuye mulamuli wago,
kha khedzi khu giyemo nya vathu.
13Pfhumu kha na gira gihathela nya vathu a
nyenya sisiwana,
gambe a na yingisa nombelo wa mutshaniseki.
14Uye gima kha na nga diga gu yingisa
nombelo wa khulungu,
kha na diga gu yingisa miketo nya noni.
15Ina marongo ya noni kha ma gogi khovbeni gwaye,
ni huwa yaye kha yi pwali, yi wugela wule a
ma vbaladzago, gani?
16Uye a khozelago Nungungulu na tsakide,
a na hakhwa gwadi,
nombelo waye wu na vboha kala mapfhini.
Tsayiso wa vatshanisi va Israyeli
17Nombelo wa uye a dzi nogisago wu na
vboha kala mapfhini,
uye gima kha na tangala, nombelo waye wu si gu vbohi
ga Nungungulu.
18Gambe uye gima kha na khuga a leya hwindzo,
na si gu khedziswi khu Uye
a Khusegidego Ngudzu,
Nungungulu na si gu lamuli va nya gululama ni
gutiyisa wulamuli nya lisine ga vatshavbo.
19Pfhumu Nungungulu gima kha na hwela, gambe kha na timisela
gu wona vatshanisi,
20na si gu va tshithingi siwunu, na si gu
dzi phodzeli ga va nya mayigo,
21na si gu fuvisi gidzemo nya
vanyamatshandza
ni gu fanya ndronga ya vatshanisi; 22na si gu bweledzeli ga vathu gukhedza khu
mithumo yawe,
ni gulamula mithumo ya vathu gukhedza
khu mavbanyelo yawe;
23na si gu lamuli vathu vaye,
na si gu va tsakisi khu wuhindzi waye.
24Wuhindzi wa Nungungulu wu ngu tsakisa
gikhatini nya gugaradzege, wa gu fanana ni
lipfhi li wisago ndzadzi gikhati nya gihala.
Currently Selected:
Bheni Siraki 35: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.