Bheni Siraki 33
33
1Wule a ningago githawo Pfhumu Nungungulu,
gima kha na dugedwa khu mhango;
a gu mana silingo, a na vbanyiswa.
2Muthu a gu ni guti, kha hambani ni Nayo,
aholu uye a pfhadzedzelago gu wu landrisa, a na fanana ni
paketi litshiguni nya gingulu.
3Muthu nya gululame a ngu khodwa khu Nayo;
uye a gu wu wona kha nga wuprofeti
hi fanedego gukhodwa khuwo.
Muthu nya guvivbedwe khu monyo ni muhembululi
4Phela khu gupimisa nu si gu ningi phindrulo
va na gu yingisa,
vegedza gwadi mawonelo yago, khu hwane ninga phindrulo.
5Mapwelo ya muthu nya guvivbedwe khu
monyo, ma gu fanana ni marodha nya movha,
ni mipimiso yaye ya gu fanana ni simbi yi dzuwulugelago.
6Pari nya milembo ya gu fanana ni kavalu,
ya gu lila vbavbatshi nya muthu watshavbo a yi khilelago.
Guhambanelana nya mithumo ya Nungungulu
7Khu ginani litshigu li hambanago ni
litshigu likwawe,
olu wenengedzo nya matshigu yatshavbo nya
mwaga wu dugago khumo nya lidambo la limwedo?
8Wugengeli wa Nungungulu wu si hambanisidego,
khuye gambe a hambanisidego dzinango ni mibuzo.
9Vbakari nya matshigu yaya Nungungulu a
khusedzide ni gu agisa mambe matshigu nya gukari,
mambe a ma vegide tengoni nya matshigu nya mwaga.
10 # Wona gambe: Job 10:9. Kharati Nungungulu giride vathu
vatshavbo khu kudzudzwane nya mafu,
Adhamu dusidwe khumo nya mafu.
11Khu guti gwaye nya gukhongolo Pfhumu a si hambaniside
ni gu hambanisa dzindzila dzawe.
12Simbe a si kategiside ni gu si khusedza,
simbe a si agiside, a si dzega si lumba uye;
simbe a di si vala ni gu si hembulula,
a si dusela wulangani gwawe.
13 # Wona gambe: Isa 45:9; Jer 18:1; Rom 9:20-21. Gufanana ni libumba mandzani ga muwumbi,
a li sugago khidzo si mu tsakisago khidzo,
kharato nugo muthu womo mandzani ga
muvangi waye,
a na mu bweledzelago gukhedza khidzo a lamulago khidzo.
14Mbeli nya iso nya guvivbe, womo wuwadi,
mbeli nya lufu, gomo guvbanya;
kharato nugo mbeli ga muthu nya gululame,
gyomo gighohi.
15Wona kharati mithumo yatshavbo
ya oyu a Khusegidego Ngudzu,
gikhati gyatshavbo ya gu gimbila mivili mivili
moyo ni moyo wu khedza wumbe.
Mahungu a segago khayo mulovi
16Eni neni nyi nga hegisela gu vboha,
nyi khedzisede,
nyi di gira nga uye a wungedzelago
mihandro hwane nya guhavele.
17Khu gikategiso gya Nungungulu nyi
dugelede ngudzu thumoni,
kha nga muhaveli nya dziuvha,
nyi di tadza gikhwati.
18Wonani nya gukhenu
eni kha nya dzi thumela nyabune wurumba,
aholu nyi di thumela vatshavbo avo
va vbwetago sihevbulo.
19Enu vafumeli nya mayigo, nga nyi yingisani,
nenu mu thangelago mitshangano nyi pweni.
Gu kabanisela dzithomba
20Ga mwanago, ga mwangadzi wago, ga
ndriyago, ga pari yago,
u nga va ningi wulanga va gu fuma,
nu nga gu vbanya.
U nga ningeli ga vambe vathu thomba yago,
kholu u na ta dzi laya khu hwane u bwelo uya va lomba.
21Nu nga gu vbanya u dagata,
u nga dzumeli gu fumwa khu muthu,
22kholu i tshukwana gulombwa khu sanana sago,
guvbindra uwe gukhedzisela gu ningwa khiso.
23Ga satshavbo u girago vegedza wugulu wago;
u nga nyenyezisi giyemo gyago nya lisima.
24Guhegisani nya guvbanye gwago, gikhati u fago,
u na kabanisela thomba yago.
Sithumi
25Iso si lumbago buru khu mwasi, lipitso ni rwalo;
sa githumi, guhodza, gukawukwa ni thumo.
26Wa gu ninga thumo githumi gyago,
u na mana guhefemula,
wa gu gi digeledza mandza, gi na dwanela gu mana gutshulega.
27Kanga ni makhetshe, sa gu nogisa thamo,
tshanisa ni siwudziso, sa gu nogisa githumi
nya guvivbedwe khu monyo.
28Gi rume guya thuma gasi gi si khali ngara,
kholu wugara wu ngu hevbudza wuvivbi
nya wungi.
29Gi ninge thumo gi wu fanelago,
aholu gya gumba gu yingisa, gi thusedzele khu
gu gi fasa dzingomondro.
30Aholu u nga vbindrisi dzitshanisa,
ambari nari wevbini muthu,
U nga giri gilo gi himbedzedwago khu
nayo.
31Wa gu bani nuri ni githumi, gi gole kha
nga idzo u dzi golago khidzo uwe mune,
kholu u gi mane khu tshivba nya novba wago.
32Wa gu bani nuri ni muthu nya muthumegeli
ndrangani, mu phare kha nga ndriyago,
kholu u na mu suva kha nga idzo u dzi suvago
khidzo uwe mune kamwe.
33Wa gu mu tshanisa a tutuma a thava,
u na mu landra khu yevbini ndzila?
Currently Selected:
Bheni Siraki 33: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.