Bheni Siraki 29
29
Gufuyarisa
1Wule a gu ni wuhindzi, a ngu fuyarisa
muakelane waye,
ni wule a thawuludzago libogo, a mu phasedza,
a ngu vegedza milayo.
2Muakelane wago a gu hamuga, mu fuyarise,
aholu uwe nuwe, mu livbe mangava khu gikhati mu
nga tumbisana khigyo.
3Landrisa gifungo gyago u pwanana naye
khu gwadi,
ni gevbini gikhati u na mana iso u si dilelago.
4Nya vangi va gu mana iso nya
gufuyariswe,
va si wona kha nga gilo nya gurole,
va pwisa wuvi vale va nga va phasago.
5Na va si gu dzi mani
dzitsapawu,
va di bhejari mandza ya vale va va fuyarisago,
va dzi thesa vbavbatshi khu malito nya githawo
va lomba gufuyariswa;
aholu khu gikhati nya gubweledze, va gu lomba gu engedzedwa
matshigu,
va lumbedza silo nya singi ni gu lomba
divalelo khu guhwela.
6Ambari na va gu dzi kodza gulivba, va gu
tadza sigaradzo,
va livba basi gipandre nya gukari nya mangava,
va pimisa gukhwatshi va di si rola.
Va gu bani vari mwalo malungelo nya
gulivbe,
va gu emisa mufuyarisi ni dzitsapawu dzaye,
va mu wona kha nga nala nari mwalo nandru,
va mu livba khu gu mu yuyutela ni gu valana,
vbatshani nya wuwadi a gu livbwa khu guvivba.
7Khu kotani nya isoso, nya vangi kha va
dzumeli gufuyarisa,
kholu va gu thava gu giredwa wudambane
na vari mwalo nandru.
8Khu guralo, khala muthu nya wadi ga muthu nya gisiwana,
u nga mu giri a lirela basi gu ningwa zomola.
Gupwela gisiro sisiwana
9Landrisa nayo khu gu phasa gisiwana,
u nga gi digi gi hongola liphanga mandzani,
nyambana gilo gutshanisekani gwaye.
10Luza dzitsapawu dzago khu kotani nya
guphasedzele ndriyago ni pari yago,
u ngayi dzi siha vbavbatshi nya giwindri gasi dzi dzimela.
11Thumisa thomba yago gukhedza khu
sileletelo sa Uye a Khusegidego Ngudzu,
esi si na gu phasa ngudzu guvbindra
ndralama.
12Zomola yago yi khothele sisangalani gwago,
kholu iyo yi na gu vbulugisa guvivbani
gwatshavbo.
13Iyo yi na gu dwanela ga nala wago,
guvbindra gitshangu ni litshari nya tshivba.
Gufuyarisa
14Muthu nya wadi a gu fuyarisa muakelane
waye,
aholu uye a gu mwalo dzitshoni, a gu mu diga
a si khathali khuye.
15U nga divaledwi khu wuwadi u giredwego
khu wule a nga gu fuyarisa,
kholu uye a tshaniside guvbanya gwaye gasi
gu gu phasa.
16Gighohi gya gu midza thomba ya mufuyarisi,
muthu nyambasi wadi a gu hambana ni wule
a nga mu vbanyisago.
17Gufuyarisa gu luziside vathu nya vangi
va nga bani va guya mbeli khu gudugelela,
gu va kutsungide gu fanana ni mavimbi ya phwani.
18Gu ruriside vathu nya vangi nya sitetema
khu mudzindrangani gwawe,
gu va legalegisa mayigoni nya valombo.
19Gighohi gi dzi ningedzelago gufuyarisa khu
gufela bhindzu,
gi na thegela mandzani nya wulamuli.
20Phasedza muakelane wago gukhedza khu
gu dzi kodza gwago,
aholu dzi wonele gasi u si thegi nuwe.
Guhakha vapfhumba
21Gilo nya gikhongolo guvbanyani nya
muthu khu mati, guhodza, guambala ni
nyumba nya gusihe umo mili wathu.
22I tshukwana guvbanya nuri gisiwana umo
nya nyumba nya guvbahwe khu misimbo,
guvbindra gugira mibuzo nya guthavisege,
dzinyumbani ga vambe vathu.
23Nengela khiso nya sidugwana mwendro
nya singi u gu naso,
gasi u si lamudwi khu gu khala muthu
nyambasi wadi.
24Guvbanya nya wusiwana khu ga wule a gimbilago
ndranga khu ndranga;
avbo u gu pfhumba,
u mwalo likana.
25U na hakhwa kha nga pfhumba u gurumedzwa gusela wadwa,
khu hwane nya isoso, u napwa magana nya gulemele,
pwani:
26“Delu kheno muvbindri wewe nya ndzila
dongisela meza;
wa gu bani nuri ni gilo, nyi ninge nyi hodze.”
27“Muvbindri wewe nya ndzila, khuga, u ninga
wulanga a khala oyu nya guthavisege!
Nyi ngu vbweta nyumba yangu gasi gu
hakha umo ndriyangu.”
28Silo sesi si lemede ga muthu
a gu na ni mapimo:
Gukawukwa khu mune ndranga ni guvadwa khu
mufuyarisi.
Currently Selected:
Bheni Siraki 29: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.