Bheni Siraki 28
28
Gudziphozela
1Wule a phodzago, a na phodzedwa khu
Pfhumu Nungungulu;
a na ningwa tsayiso nya wukhongolo khu
kotani nya sighoho saye.
2Tsetselela ndriyago guvivba a gu
giredego,
gasi wa gu gira nombelo nya gulombe
gudivaledwa sighoho sago, u na
tsetseledwa.
3Muthu a gu girela likhulo ndriyaye, khu
ginani a lombago ga Nungungulu
gukhuye a na mu vbanyise?
4Uye mwalo gisiro ni muthu kwawe,
khu ginani a lombago gu divaledwa sighoho
saye?
5Uye a gu muthu nya nyalidede a emedwego
khu gufa, bwelo khavbo a khala likhulo;
khu mani a na mu ningago tsetselelo nya
sighoho saye?
6Diga guvengana ni vakwanu, u alakanya
mahegiso gwago;
dundruga gukhuwe u nafa u hina, vegedza
milayo.
7Dundruga milayo, u nga gorogereli ndriyago.
Dundruga gidzumeledzwano u giridego ni
Uye a Khusegidego Ngudzu;
u nga khathali khu gihoso gi giridwego khu
ndriyago.
Gumba pwanana
8Diga mayunga gasi u vbungula sighoho,
kholu muthu nya gihafane a gu wusa
mayunga,
9Kholu gighohi gya gu wusa pfilupfilu vbakari
nya dzipari dzaye,
gi wuya khavbo gi yala wulala vbakari ga
avo va vbanyago gurulani.
10Nilo wa gu dzura khu gu endzendzedzwa dzikhuni,
ni likhulo la muthu la gu dandra khu giviti gyaye.
Muthu a gu goroga
gukhedza khu tshivba yaye,
a gu engedzela ngudzu likhulo, gukhedza khu talo nya dzithomba dzaye.
11Siregera nya githugedza, si ngu khondrisa
nilo,
ni guhengula nyamba phela khu gu pimisa, gu ngu
vbaladzisa novba.
12Wa gu furugedza ligala, ilo la gu khondra,
aholu wa gu li hetshela, la gu tshimega,
silo sesi sa sivili, sa gu duga khu
kanani gwago.
Guganela guvivba
13Muthu nya milembo ni muthu nya malimi
mavili, va vivbide,
Kholu va luziside nya vangi va nga bani va
gu vbanya gurulani.
14Lidimi la oyu nya wuraru, li kutsungide
nya vangi,
li va legalegisa khu mayigo ni mayigo,
li khungumula madhoropa nya gutiye ni gu
thesela dzinyumba dza sitetema.
15Lidimi la uye nya wuraru li giride
vanyamayi nya ndruda va hudwa,
li va himbedzela gu hodza handro nya
mithumo yawe.
16Vale va li yingisago, kha va na nga
hefemula,
ambari gu mana gurula dzindrangani
gwawe.
17Guveta nya lipitso, gwa gu dusa migwambaradzi,
aholu guveta nya lidimi, gwa gu fanya
marambo.
18Vathu nya vangi va fude khu gu paywa
khu matshari,
aholu nya vangi ngudzu va fude khu katani nya
malimi yawe.
19Kategide wule a sihadego ga lidimi la
muthu nya guvivbedwe khu monyo,
a ngamba vbohedwa khu likhulo laye,
a ngamba dzi rwega rwalo waye,
a ngamba hungwa khu makhetshe yaye;
20kholu rwalo waye, nyandra nya dzisimbi,
ni makhetshe yaye, makhetshe nya sugu.
21Lufu li resago, lufu nya tshanisa,
uye wari khuye i tshukhwana gubela
thowoni.
22Ilo li mwalo tshivba vbatshani ga avo va gu
ni githawo,
va na gumba dagarela khu malavbelavbe yaye.
23Avo va hambanago ni Pfhumu va na thegela
tshivbani gwaye,
li na va mbembisa nyamba va tsetsa;
li na va ndragela gu fanana ni nghala
va vbadzuledwa khilo gu fanana ni likhamba.
24Wa gu vhikela lithembwe lago khu libhiyo
nya matamo nya miba,
u khothela khu gikwinyaro parata ni ndralama yago,
25ina, gira gambe gikalo ni pimo gasi gupima
magana yago,
likana lago li girele lidimba ni gikwinyaro.
26Dzi wonele gumba ghoha khu lidimi lago,
gasi u si thegi mbeli ga valala va gu
khedziselago.
Currently Selected:
Bheni Siraki 28: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.