Bheni Siraki 27
27
1Nya vangi va gu ghoha khu gugola
dzitsapawu;
wule a vbwetago gughanya,
a gu gira wudambane khu tshivba.
2Gufanana ni gu tsitsa simbo malufani
nya siwindri,
khidzo kharato gi belago khidzo gighoho vbakari nya wurengi ni gurengisa.
3Wa gumba tsarama u tiya khu gu ninga githawo
Pfhumu Nungungulu,
ndranga yago yi na mbembiswa khu
githugedza.
Lito li ngu ninga guti muthu
4Wa gu kutsunga gihuto, gutshala basi
makambo;
khidzosaye gambe sihoso sa muthu, sa gu
duga khu maganelelo yaye.
5Mikanvu ya muwumbi ya gu lingwa niloni,
gasi muthu a gu lingwa khu mipimiso yaye.
6Simbo wu sayiswago gwadi wa gu yeyedza
khu mihandro;
kharato nugo, maganelelo ma gu yeyedza
iso si guromo monyoni ga muthu.
7U nga zundzi muthu nasi gu ganeli,
kholu kharato, khavbo a na dzi yeyedzago.
Vbweta gululama
8Wa gu vbweta gululama, u na gu mana,
u na gu ambala kha nga gifenengelo nya wuzundzo.
9Sinyoni sa gu tshangana khu mafumbu yawe;
kharato nugo, lisine la gu vuya ga vale
va li landrisago.
10Nghala ya gu demba yi khevisela gudhumela
pfimba,
khu magirelo ya mamowo, gighoho gya gu
bela kharato ga avo va girago guvivba.
Libhulo la muthu nya guvivbedwe khu monyo
11Libhulo la muthu nya githawo, gikhati gyatshavbo khya guti,
gasi muthu nya guvivbedwe khu monyo,
a gu vbindrugedzela nga ngima.
12Vbakari nya vathu nya guvivbedwe khu
monyo,
vegedza magana yago u lirela gimbe gikhati,
gasi vbakari nya vathu nya guti, simama
ni libhulo lago.
13Libhulo nya sighohi khya gupaya,
avo va gu hegelela khu gutshamba nya
sighoho sawe.
14Maganelelo ya muthu nya guganele
dzitshamba
ma gu nyaganyegisa ndzudzu,
ni ligwaha laye la gu tshima dzindzeve.
15Va gu dwana va nyamatshandza, guvbaladzwa novba,
guyuyutelana gwawe, kha gu yeli
ni gu gu yingisa.
Mambwaga ma ngu vbedza wupari.
16Uye a tugudzisago sihalo wa pari yaye a
ngu manega na si tumbegi,
kha na nga mana dzipari nya gugodwe
khu monyo waye.
17Gola pari u tumbega gwaye,
aholu wa gu bani u tugudziside sihalo
waye,
u nga mu landriseli gambe.
18Gufanana ni guluzekedwa khu muthu
a fudego,
kharato nugo, u luzide wupari ni muakelane
wago,
19Gufana ni ginyoni gi vbuvbidego khu
mandzani gwago,
kharato nugo u digide pari yago yi hongola,
khu na nga yi mana gambe.
20U nga mu landri gambe, kholu vbohide
hwindzo;
kavide naphwi nga yisya.
21Gilondra gi ngu kodzwa guthumwa, va gu valana va ngu kodza gu khongotelana,
aholu wule a tugudzisago misihalo,
uyoyo, kha tumbega.
Wupfhadzedzeli
22Wule a runyago khu maho, a na ni mipimiso
nya guvivbe,
mwalo a na gu mu ndreyisago ga isoso.
23Nuri naye, a gu ganela magana nya
gulombele,
satshavbo u mu embelago a gu si samala,
khu hwane a vbindrugedza maganelelo
a thumisa magana yago gasi gu gu tshunganisa.
24Silo nya singi nyi gumba si gola, aholu
gimwalo nyi gi nyenyago kha nga mupfhadzedzeli;
Pfhumu nuye a ngu mu nyenya.
Muthu nya guvivbedwe khu monyo, a gu dzi ghohela abune
25Uye a rinyago giwindri vbatshani,
a na gi wona na gi gu mu thegela
hungoni;
khu guralo, gighoho nya
gulogovedze vakwawe,
gi na wuyela mulogovedzi.
26Wule a kembago liphala, a na thegela
umo,
uye a dembelago naphwi kwawe,
a na fela naphwini gwaye.
27Gikungo nya guvivbe, gi na wuyela
uye a gi lugago,
a si giti nya gukhuye gya guta khu hayi.
28Gutsoredzela ni guvala, sa gu lumba
va nya gu dzi khusedza,
aholu va na phodzedwa, va modwa
khu githugedza,
gukhwatshi va gu dhumedwa khu
nghala.
29Vale va nengelago khu guthega ga avo
va ningago githawo Pfhumu,
va nafa khu naphwi, va dagarela khu
wuvi na va nga gu vbanya.
30Khorodza ni likhulo, silo sivili si
nyenyezidego ngudzu;
isoso sa gu khala basi monyoni ga muthu nya
gighohi.
Currently Selected:
Bheni Siraki 27: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.