Bheni Siraki 26
26
Nyamayi nyamba wadi ni nyamayi nya wadi
1Kategide mwama a gu ni nyamayi nya
wadi nya ndruda,
kholu a na engedzedwa tengo nya
myaga yaye.
2Nyamayi nya tshivba, litsako ga mwama
waye,
a na mu ninga gurula myagani nya guvbanye gwaye.
3Nyamayi nya wadi, makategwa nya makhongolo,
gihiwa ga avo va thavago Pfhumu.
4Gani gitetema gani gisiwana,
monyo waye wu na tangala.
Khovbe yaye yi na wonega na yi tsakide
gikhati gyatshavbo.
5Silo siraru si thawago khu monyo wangu,
igyo nya wu na gi ngu nyi samadzisa, a gu esi:
Milembo dhoropani nya gukari,
gusengedzela vathu,
gukona muthu khu malipha;
esi silo si thavisegago guvbindra gufa.
6Aholu gutshaniseka ni guvbisega nya monyo,
khu nyamayi a girelago wufu mumbe nyamayi, lidimi laye i tungu
wu thaphelago vathu vatshavbo.
7Nyamayi nyambasi wadi a gu fanana ni kanga nya
dzimombe wu ngamba hungwa gwadi,
wa gu mu dzega, u dzegide hume.
8Nyamayi nya gusele wadwa, givangelo nya
dzitshoni nya dzikhongolo,
ni ndruma yaye nya dzitshoni yi na wonwa
khu vatshavbo.
9Nyamayi nya liphuphulu a gu dzi wonegisa
khu makhedzelo yaye nyambana dzitshoni,
ni gukhwavbiga nya dzitshi dzaye.
10Dzi wonele gwadi gyanana nya mbiri nyambana dzitshoni,
gasi gi si gu kanganyisi nu pfhade.
11Dzi wonele ga nyamayi nya gukhedze
nyambana dzitshoni,
u nga samali a gu tshukha a gu ghohela.
12Gufanana ni muendri apwago lidora a
selago ni mevbini mati a ma manago,
kharato nugo nyamayi nya liphuphulu a
gu landrisela wubhayi,
a ya nyenyezisa mili waye.
13Nyamayi nya ndruda, litsako ga mwama,
mavbanyelo yaye ma ngu mu tiyisa maramboni gwaye.
14Nyamayi nya gurule, giningwa gya
Pfhumu;
gimwalo nya gu gi fananise ni nyamayi
a layidwego gwadi.
15Nyamayi a gu ni mavbanyelo nya yadi,
wuhigo nyambana pimo,
mwalo tengo nya gu wu fananise
ni hefemulo nya guvbelele khu gutenga.
16Gufanana ni lidambo li khugegago
vbatshani ga Pfhumu,
kharato nuwo wumburi wa nyamayi nya ndruda
gimburiselo gya nyumbani gwaye.
17Gufanana ni kandriya yi ketigago vbagidzigarelotunu nya guage,
kharato nuwo wumburi nya khovbe milini
wu wumbidwego gwadi.
18Gufanana ni madingo nya ndralama
vbagiseketelotunu nya parata,
kharato nayo mawundru nya wumburi
vbasitshinandrotunu si tiyidego.
19Mwanangu, vegedza gwadi wuphya nya
tanga yago,
u nga dzegi tshivba yago u ningela ga valombo
va vbavbandze.
20Hwane nya gu bani u vbwetide tigoni gwanu
wulime wu nonidego gwadi,
yala umomo mbewu yago nu gu tumba gwadi
wuzundzo nya lifumbu lago.
21Khu kharato mipfhundre yi na gu
tshalago hwane gwago,
yi na dzipwa matshandza khu gu tumba
rungundzo wawe.
22Nyamayi a dzi rengisago kha phasi gilo;
gasi nyamayi nya lisine, tiyide kha nga langwe nya likhokhola.
23Nyamayi nya guvivbedwe khu monyo
a na ningedwa ga gighohi,
nyamayi nya wuhindzi a na ningedwa ga wule a ningago
githawo Pfhumu Nungungulu.
24Nyamayi nyambana dzitshoni kha tsakiswi khu gilo,
vbavbandze nya dzitshoni basi;
gasi uye nya gu dzi vegise a na ni dzitshoni,
ambari ga mwama waye.
25Nyamayi nyamba dzi vegisa a gu vbindrwa
khu yimbwa, yi ngu ningwa githawo,
gasi uye nya mavbanyelo nya yadi, a ngu ninga
githawo Pfhumu.
26Nyamayi a zundzago mwama waye a gu wonwa
kha nga muthu a gu ni guti mahoni ga vathu
vatshavbo,
gasi uye nya guthele dzitshoni, a gu wonwa kha nga
muthu nya guvivbedwe khu monyo matshandzani gwaye.
Kategide mwama a gu ni nyamayi nya wadi;
kholu uye a na engedzedwa guvili tengo nya myaga
nya guvbanye gwaye.
27Nyamayi nya gulaledze ni gu ganela ngudzu;
i pundru nya gutivise nyimbi,
a thusedzela nala;
mwama watshavbo a gu ni nyamayi nya kharato,
a gu vbanya gikhati gyatshavbo
pfilupfiluni nya nyimbi.
Silo siraru nya gupwise wuvi
28Silo sivili si pwisago wuvi monyo wangu,
nya wuraru gya gu nyi gorosa, a gu esi:
Mudwani nya nyimbi, afago mu wumbwani,
vathu nya guti va hembuludwago,
ni wule a digago ndruda aya bela
gighohoni;
Pfhumu Nungungulu a na mu ningela gu songwa khu litshari.
Dzimhango nya wugwewo
29Gu ngu garadza muthu nya wugwewo
guvbuluga gulingwa,
ni murengisi nya wadwa kha na vbuluga gu
mana gighoho.
Currently Selected:
Bheni Siraki 26: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.