Bheni Siraki 25
25
Silo siraru si tsakisago ni siraru nya gunyenyeze
1Silo siraru si nengedzisago
hefemulo wangu,
si tsakisago Nungungulu ni
vathu, khesi:
Pwanano vbakari nya vandruye, wupari ni
vaakelane,
ni makhalelo nya gurule vbakari ga mwama
ni mwangadzi.
2Momo mafumbu mararu nya vathu ma
nyenywago khu hefemulo wangu,
mavbanyelo yawe nyi gumba kodza gu ma
timisela, khaya:
Gisiwana nya matshandza,
gitetema nya malipha
ni lidhota nya gibhayi ni guvivbedwe khu
monyo.
3U na si mana kharini gugumbani gwago
sile u ngamba si vegedzela wudzahani
gwago?
4Gu ngu tsakisa gikhati u gumbago wa gu
kodza gulamula mahungu,
gukodza gu ninga milayo nya yadi
sa gu lumba madhota!
5Idzo gu tsakisago khidzo guti
gwa gu manega ga vathu va dandridego,
gupimisa ni gululeka ga avo va manago
wurendra nya wuzundzo!
6Guti nya guenele, i hari nya madhota,
ni gu ninga githawo Pfhumu Nungungulu,
khuwo wuzundzo wawe.
7Livbandre na sina silo nyi si wonago kha nga makategwa
monyoni wangu,
igyo nya likhumi nyi na gi tivisa khu
magana yangu, a gu egi:
Khu mwama moyo a manago gutsaka
khavbo ga sanana,
a vbanyago myaga nya gulaphe gasi gu wona
gumbembiswa ga valala vaye.
8Kategide uye a vbanyago ni nyamayi nya mapimo,
nya monyo wu lulamidego,
uye a gumba dzumela gu tshunganiswa
khu lidimi laye,
a gumba dzumela guthumela muthu a
si yeligo gu thumedwa khuye.
9Kategide uye a manidego wugengeli,
uye a wu pwadzago dzindzeveni ga avo
va mu yingisago.
10Idzo a gu khongolo khidzo uye a
manidego guti!
Aholu mwalo a dzi dinganisago ni wule
a ningago githawo Pfhumu.
11Guninga githawo Nungungulu, gu
khusegide vbatshani nya silo satshavbo,
khu mani a na gu fananago ni wule a gu
nagyo?
12Guninga githawo Pfhumu, guphela nya
lihaladzo laye,
aholu khu gukhodwa khavbo u phelago gu
dzi tshanganisa Naye.
Nyamayi nyambasi wadi
13Hi ngu dzi kodza gu timisela gilondra nya
limbe lifumbu,
vbavbandze nya gilondra nya monyo basi!
Ni gwevbini guvivba, vbavbandze nya wuvivbi wa nyamayi!
14Hi ngu kodza gu timisela ni gevbini
gigaradzo, vbavbandze nya gigaradzo nya
gugirwe khu lidiwo!
Gutimisela guphodzedwa, vbavbandze nya
guphodzedwe khu nala!
15Wu mwalo wuhungu nya gusonge ngudzu
guvbindra uwo nya mamba,
gambe li mwalo likhulo li thisago ngudzu guvbindra ilo
la nala!
16I tshukwana guvbanya ni nghala
mwendro mwamilambo,
guvbindra guvbanya ni nyamayi nyambasi wadi.
17Wuvivbi wa nyamayi wu ngu vbindrugedza ni makhalelo yaye,
khovbe yaye ya gu vbindrugedza yi khala
nga eyi nya gikankanka.
18Vbakari ga vaakelane vaye
mwama waye a gu dilela,
a gu vapwa, a gu vbisega khu wuvi
watshavbo.
19Wuvivbi watshavbo wu vbevbugide,
ha gu wu fananisa ni wuvivbi wa nyamayi;
tsayiso wa sighohi wu na thegele uye!
20Gufanana ni gigomo nya lipfule gya gu
gwedwa khu muthu a gumbidego,
khidzo gambe kharato nyamayi nya
guganele ngudzu
ga mwama nya gurule.
21U nga khedzisi wumburi nya nyamayi,
gambe u nga mu dogoreli khu gu wona
wumburi waye.
22Nyamayi a gu khozisa mwama waye,
a gu mu gira khumbi, a mu poyila ni gu
mu thela dzitshoni.
23Nyamayi nyambasi wadi, mithumo
yaye kheyi:
a gu vbedza tshivba monyo wa mwama waye,
a swihadza khovbe yaye ni gu thela gilondra
monyoni ga mwama waye.
Mandza nyambana tshivba, ni dzikhungumudzi
nya gukhuyugele,
khiso si girwago khu nyamayi a gumba ninga
litsako mwama waye.
24Gighoho gi phede gubela khavbo ga
nyamayi,
khu kotani gwaye hatshavbo hi beledwe khu gufa.
25U nga digi mati ma ruta,
mwendro gu ninga wulanga a ganela
nyamayi nya mavbanyelo nyambasi yadi.
26Uye a gumba dzumela gu hetedzwa khu
mandza yago,
mu hambanise hwindzo nago.
Currently Selected:
Bheni Siraki 25: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.