Bheni Siraki 22
22
Mavbanyelo ni muthu nya guvivbedwe khu monyo
1Muthu nya ngara a gu fanana ni giwindri nya
gutale khu maraga;
vatshavbo va gu mu wombela dzindrodzi khu
mavbanyelo yaye nya dzitshoni.
2Muthu nya ngara a gu fanana ni ndzilo;
muthu watshavbo a yi kuhago a gu phuphuta mandza.
3Gyanana nyamba laywa gwadi dzitshoni
ga babe waye,
guvelegwa nyamahegyane gu luza.
4Nyamahegyane nya mapimo a na mana mwama
nya wadi,
aholu uye a nyambana dzitshoni,
a na khala gipoyilo ga
babe waye.
5Uye nyambana mapimo a gu fenengedza khu
dzitshoni babe ni mwama waye;
vatshavbo va na mu hembulula.
6Magana vbavbandze nya gikhati gi fanedego,
ma gu fanana ni dzindzimo nya gutsake
litshiguni nya malilo;
aholu tsayiso ni nayo, guti gikhati gyatshavbo.
7Sanana si gimbilago khu mavbanyelo nya ndruda,
nyambana gihoso,
si ngu gira vavelegi vawe va divaledwa
khu tumbunugo wawe nya wupumbu.
8Sanana nyambasi sadi, si ngamba laywa,
si ngu poyila wuzundzo nya gilongo.
9Uye a hevbudzago muthu nya guvivbedwe khu
monyo,
a gu fanana ni uye a vbwetago gu rolela sipandre
nya kanvu wu pandregidego;
a gu fanana ni uye a khendzugisago muthu a ladego
ligovbe nya likhongolo.
10Gu ganela ni muthu nya guvivbedwe khu monyo,
gubhula ni muthu a ladego;
guvbelani nya mabhulo a na, khuye:
“Gasi ginani?”
11Lila khu muthu a fudego, kholu uye mwalo gambe
guwonegelani;
lila khu muthu nya guvivbedwe khu monyo kholu
uye a ngu keneledwa khu mapimo.
Lila vbadugwana khu muthu a fudego, kholu uye
a manide guhefemula;
kholu mavbanyelo ya muthu nya guvivbedwe khu
monyo ma vivbide ngudzu guvbindra gufa.
12Gililo gya muthu a fudego gya gu vbedza livbandre
na mavili matshigu,
aholu, gulila muthu nya guvivbedwe khu monyo ni
muthu nyambasi wadi,
khya matshigu yatshavbo nya guvbanye gwaye.
13U nga ganeli ngudzu ni muthu nya guvivbedwe
khu monyo,
u nga vbanyi gumogo ni muthu nyambana mapimo,
kholu uye khu guhandruga gwaye, kha na ninga
githawo iso si gu lumbago.
Dzi wonele gwaye, gasi a si gorogisi monyo;
a gu todzela manyala yaye.
Ndreya avbo gwaye, gasi u mana guhefemula,
u si mani mhango khu guhandruga gwaye.
14Khu gevbini gimbe gilo nya
gulemele guvbindra thovhu?
Khu levbini limbe lina hi yelago gu mu ninga
guvbindra ilo la muthu nya guvivbedwe khu monyo?
15Gu ngu vbevbuga gu rwala mafu, munyu
mwendro puri nya dzisimbi,
guvbindra gu rwala muthu nyambana mapimo.
16Misimbo nya guvbahe khiyo ya gu hungega gwadi;
ambari gu manega girevareva kha mi tshulegi;
kharato nugo monyo wa gu tiyiswa khu mawonelo
nya guvidzwe,
ambari a gu mana sigaradzo, kha vbeli tshivba.
17Monyo wu phasedzedwago khu mipimiso nya wugengeli,
gu fanana ni ndzari yi londridwego yi mburisedwa
khu siwindri nya wumburi.
18Mwasi wa gu vegwa vbatshani wa gu vbuvbiswa
khu phuvbo;
kharato nugo monyo nya ndrendre khu kota nya
mapimo nya guvivbe,
kha wu na dzi kodza gu vbuluga hwanga nya guthise.
Mavbanyelo ni dzipari
19Uye a polago liso, la gu dusa marongo;
uye hekhago monyo, a gu pwisa wuvi livhalo.
20Uye a rinyelago giwindri sinyoni, a gu si tutumisa,
kharato nugo, wule a valago pari yaye,
a gu pfhungumula wupari.
21Ambari nu pharide litshari u wugela
pari yago, u nga thavi,
kholu gu ngu kodzega gu wuyelelana.
22Ambari na wu ganede gwaye
magana nyambasi yadi, u nga thavi,
kholu guwuyelelana mu pandrelana maruladzi
kha gu garadzi,
vbavbandze basi nya givalo ni gipoyilo,
khu gu pwadza phungu iso nya misihalo yaye,
ni gu mu logovedza a bela mhangoni;
khu satshavbo sesi, ni wevbini a gu pari yago,
a na gu thava.
23Tumbega ga muakelane wago mu wusiwanani gwaye,
gasi gumanelani gwaye, u kodze gu nengela
gumogo naye;
khala vbafuvbi naye matshiguni nya silingo;
gasi u kodze gu hengela guhodza naye thomba.
Kholu khandri gwadi gu nyenya muthu gikhati gyatshavbo
khu gu wona makhalelo yaye,
ambari gusamala gitetema, nyambana mapimo.
24Lithonga ni wutshi sa gu thangela nilo kandriyani;
kharato nugo guvalana gu ngu thangela
guvbaladza novba.
25Kha nya khala dzitshoni khu guvhikela pari yangu,
gambe kha nyi na mu sihalela, nya gu mu wona,
26sa gu nyi dugelela nya guvivbe khu
kotani gwaye,
uye a na dzitigo a na pima nya gukhuye
uye khuye a giridego.
27Naripwani nyi ngu dzi kodza gu vega ghadhi
kanani gwangu,
gitambo nyamba namuga gihofuni gwangu,
gasi nyi si thegi khu kotani gwaye,
gasi lidimi langu li si nyi dzimedzi.
Currently Selected:
Bheni Siraki 22: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.