Bheni Siraki 17
17
Guvangwa nya muthu ni wuwadi wa Nungungulu
(Bheni Siraki 8)
1Pfhumu wumbide vathu khu mafu#17:1 Bheni-Siraki a gu landra longoloko nya guvangwe nya silo satshavbo gukhedza khu edzi a sasamedzago khidzo mulovi nya libhuku la Genesi (Gen 1:1-3:19). Phede khu mahungu nya gutumbulugiswe nya ndrengelenge ni sivangwa satshavbo sa ndzadzini ni mafuni, lidambo, litigo, dzinyeledzi; a handzamedza a ganela khu guvangwa nya mwasi ni misimbo yatshavbo, ni sirengo nya mafumbu yatshavbo, olu a gu hegisa khu guvangwa nya muthu khu mafu (Gen 2:8); Sir 3:20.
a wuya khavbo a va bweledza gambe
nyaluphye mafuni.
2A va vegede vbingano nya gikhati ni
tengo nya matshigu nya guvbanye,
a va ninga gufumela satshavbo si
guromo mafuni.
3A va ambagiside tshivba nya nga iyo yaye;
a va giride khu mufananiso waye.
4A va giride va thavisega ga sivangwa
satshavbo si vbanyago,
a gu va ninga tshivba nya gufumele vbatshani
nya sirengo ni sinyoni.
5Avo va di ningwa fanelo nya guthumise
livbandre dzitshivba dza Pfhumu Nungungulu;
nya livbandre na mweyo, va di bagedzwa giningwa nya mapimo, va hengela wugengeli;
nya livbandre na dzimbili, va di ningwa guti,
nya gukodze gu tshamusela dzitshivba
dza Nungungulu.
6A di va tadza khu mapimo, a va ninga lidimi ni
maho, ni dzindzeve
ni monyo#17:6 Monyo: Va na Israyeli vadi wona monyo kha nga gibuga nya guti ni wugengeli, wona Gen 8:21; Mav 15:8; Mav 23:26. gasi va pimisa.
7A di va tadza khu guti ni wugengeli,
a va yeyedza iso nya sadi niso
nya guvivbe.
8A di vega maho yaye myonyoni gwawe,
afela gu va yeyedza wugulu nya
sigiro saye.
9A va ningide gu va huwelela mithumo
yaye nya gusamadzise kala gupindruga.
10Va na rungudza lina la Nungungulu a Agidego,
va huwelela sigiro saye nya gusamadzise.
11A va ningide wugengeli,
a va ninga nayo nya guvbanye
gu khala thomba yawe.
12 # Wona gambe: Eks 20. Khu guhegisa, a di gira navo
gidzumeledzwano nya pindrugedwa,
a va tulela guti sileletelo saye.
13Avo va di wona khu maho yawe wugulu
nya wudhumo wa Nungungulu,
va wuya vapwa khu dzindzeve dzawe gudzuma
nya lito laye nya tshivba.
14A di va embela, khuye:
“Dzi woneleni ga satshavbo nya guvivbe,
a ninga ga moyo ni moyo siguruvedzo
nya gugole muthu kwawe.”
Nungungulu a ngu wona mithumo ya vathu
15Mavbanyelo nya vathu momo gikhati gyatshavbo
mbeli gwa Nungungulu,
mwalo a na vbulugago mahoni gwaye.
16Gukhugela wananani gwawe, dzindzila
dzawe dza gu va yisa guvivbani.
Kha va dzi kodza gu vbindrugedza monyo wawe
nya giwindri, va dzega monyo nya wuthu.
Gukabaniswani nya mafumbu ya
tigoni gwatshavbo,
17litigo ni litigo li di ningwa muthangeli,
aholu gipandre gi lumbago Pfhumu
Nungungulu khu Israyeli,
18gyanana gyaye nya matiwula, a gi hodzisago
khu nayo,
a gi ninga wenengedzo nya
lihaladzo laye,
nyamba gi diga.
19Mithumo yaye satshavbo,
ya gu wenengedza mbeli gwaye nga lidambo,
ni maho ya Pfhumu Nungungulu momo
ma khevisela mavbanyelo yaye
gikhati gyatshavbo.
20Mithumo yawe nya guvivbe kha yi mu sihaleli,
ni sighoho sawe satshavbo somo mbeli ga
Pfhumu Nungungulu.
21Aholu Pfhumu khwadi a ngu siti
sivangwa saye,
kha si mbembisi ambari guhambana naso,
aholu a gu si sayisa.
22Zomola ya muthu avbo ga
Nungungulu ya gu fanana ni gitambo,
Uye a ngu vegedza silo satshavbo nya
sadi si girwago kha nga ndzololwane nya liso.
A gu ninga guvbindrugedza mavbanyelo
sanana saye nya madzaha
ni vanyamahegyane.
23Khavbo avbo, a na khuga a ema a va
ninga tshatshazelo,
a na bweledzela moyo ni moyo gukhedza
khu mavbanyelo yaye.
24Aholu vale va dzi layago, Uye a gu va
dzumedzisa gu pheledza nyaluphye,
a tangadzisa vale va vbedego tshivba.
Nayo nya guvbanye khu ndruda
25Vbindrugedza u wuya ga Pfhumu,
tshula sighoho sago,
noga u lomba mahoni gwaye, u hambana
ni gikhati nya gughohe.
26Wuya ga oyu a Khusegidego Ngudzu,
u hambana ni gugira guvivba,
kholu Uye kamwe a na gu hetedza,
a gu dusa gidemani,
a gu yisa guwonegelani nya guvbanyiswe.
Hambana, khu monyo wago watshavbo,
ni iso si vivbidego,
27khu mani a na
rungudzago oyu a Khusegidego Ngudzu,
nari khu Hayidhesi.#17:27 Hayidhesi phalani nya vafi, vambe vari, khavo: Xeole.
Malangani nya vathu va vbanyago,
khu mani a na dzi kodzago gu rungudza
Pfhumu?
28Uye a fudego gumogo ni vale
va vbindridego va gu mwalo gambe,
kha va dzi kodzi gu mu rungudza.
Muthu a vbanyago nari ni womi, khuye
a na rungudzago Pfhumu.
29Idzo wu gu wukhongolo khidzo
wuhindzi wa Pfhumu,
ni ditshedzo waye ga vatshavbo va
vbindrugedzago va wuya Gwaye!
30Khu lisine, ga vathu kha gu kodzegi gu
mana satshavbo,
kholu vathu navo va emedwe khu gufa.
31Khu gevbini gimbe gilo
gi wenengedzago gwadi nga lidambo?
Ambari ulo, ilo nilo li na ni mipfhuphelo.
Khu guralo, muthu nya mili ni
novba, a gu luga makungo nya guvivbe!#17:31 Avba ha gu nonedzwa gupwani muthu watshavbo, ambari a gu na ni wuzundzo nya giemo ni mufananiso wa Nungungulu, kholu a vangidwego khu silo si hinago, mili ni novba, a gu dzipwa na gu ndrindredwa ga silo nya guvivbe.
32Nungungulu a ngu khevisela dzinyeledzi
dza ndzadzini,
aholu vathu nya guvbanye mafu ni
nguma basi.
Currently Selected:
Bheni Siraki 17: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.