Bheni Siraki 16
16
Muthu nya guvivbedwe khu monyo a na lamudwa
1U nga dwaneli gu mana sanana nya singi#16:1 Sanana nya singi: khu mawonelo nya tumbunugo wa vagale, va di pimisa gukhavo ndranga yi gu na ni sanana nya singi, gu nonedza gupwani yi kategisidwe khu Nungungulu. Livelego giyeyedzo nya gikategiso. Avba Bheni-Siraki a ngu hi hevbudza gukhuye mahoni gwa Nungungulu lisima nya ndranga khandri khu livelego nya gutale, aholu khu wuzundzo waye, khu guti gwaye, kholu i tshukwana gu velega gyanana gimwegyo basi nya guti, guvbindra gu velega sanana nya singi nya sipumbu, nya guvivbedwe khu monyo.
nyamba phasa gilo,
mwendro gu tsakiswa khu sanana
nya guvivbedwe khu monyo.
2Ambari nari singi,
u nga dzi zundzi khiso,
sa gumba ninga githawo Pfhumu
Nungungulu.
3U nga tumbi gulapha nya myaga
nya guvbanye gwawe,
ambari gu saya khu tengo wawe nya
wungi;
kholu, u na keta khu gufedwa nyamba
gu lirela,
kholu khu githugedza u na
tiviswa gumbemba gwawe;
i tshukhwana gu mana gimwegyo basi,
guvbindra likhumi mazana,
i tshukhwana gufa nyamba tshiya
sanana,
guvbindra guvelega sanana nya
guvivbedwe khu monyo.
4Muthu moyo basi nya mapimo, a ngu
kodza gu tadza lidhoropa khu vathu,
aholu lihundzu nya vathu nya
guvivbedwe khu monyo, li na fuviswa.
5Siwonegiso nya singi nya nga esi, nyi si
wonide khu maho yangu;
khu dzindzeve dzangu, nyi pwide nya
singi nya guthise guvbindra esi.
6Vbakari nya tshangano nya sighohi
gu di dzura nilo,
likhulo li di khondra ga vathu
nyamba khodwa.
7Pfhumu Nungungulu kha
tsetselela vadandrangulu va galegaleyo,
avo va nga mu wugelago khu matshandza
nya gutumbe tshivba yawe#16:7 Avba gu thudwa vadandrangulu va gale gu ganedwago khavo umo nya libhuku nya Tumbunugo. Wona: Gen 6:2-4.
8Nungungulu kha tsetsa litigo
a nga vbanyago umo Loti,
aholu a di venga vavbanyi vaye,
khu kotani nya guyeyise gwawe.
9Uye gima kha pwela gisiro
vathu vale nyambasi vadi#16:9 Avba gu thudwa vathu Vakhanani, khu kotani nya guvivbe gwawe va ngata tutumiswa khu Nungungulu, litigo lawe li wandrwa khu Vahebheru, sanana sa Abrahama. Wona Eks 3:8.
va nga mbembiswa khu kotani
nya sighoho sawe.
Silo satshavbo sesi, uye a si giride ga
vathu nya myonyo nya gulemele,
gambe kha thindrekiswa khu tengo nya
sihathwa saye.
10Si giregide kharato ga vathu vale nya
livbandre na limwedo magumi mazana (600.000) vama#16:10 Avba gu thudwa Vajudha vale va nga duswago khu wugumbini wa Faro tigoni ga Egipito, va nga wugelago Nungungulu na vari giwulani. Khu kotani nya guwugele gogo kha va dzumedziswa gu bela tigoni nya sisambanyo. Va di fela mugiwulani vatshavbo, vbavbandze basi ga Josuwa ni Kalebi. Wona: Eks 12:37; Sir 46:1-10; Mit 14:20-35.
va nga bani va tshanganide guvivbani
nya myonyo yawe nya gulemele.
A di va tsayisa, a va pwela gisiro, a va
bayisa, a bwelo khavbo a va hawulugisa;
Pfhumu a di va pwela wuhindzi a va
vegedza khu ndzila nya yadi.
11Ambari nari gukhwatshi gu di manega moyo basi nya
gubange hungo
gu di hadza gu samadzisa
gumba tsayiswa,
kholu wuhindzi ni likhulo sa guta khu
ga Pfhumu
a gu khongolo khu gutsetselela, aholu
a swayago gambe likhulo laye.
12Sitsayiso saye, si ngu dingana ni wuhindzi
waye.
Uye a gu lamula muthu gukhedza khu
mithumo yaye.
13Gighohi kha gi na vbuluga ni
silo nya wuphangi waye,
gambe kha gu na kanganyisega
gutimisela ga oyu
a khodwago ga Nungungulu.
14Nungungulu a na ninga
tshatshazelo khu thumo watshavbo
nya wuhindzi,
muthu ni muthu, a na ningwa gukhedza
khu mithumo yaye.
15Nungungulu a di bangisa monyo wa Faro,
gasi a si khodwi,
afela gukhuye mithumo yaye
yi tidwe mafuni gwatshavbo.
16Wuhindzi waye wu ngu wonega ga
sivangwa satshavbo,
uye kavedzede wenengedzo
ni mwedzi waye vbakari nya vathu.
Mwalo a dzi kodzago gu sihalela Nungungulu
17U nga ganeli, khuwe:
“Nyi na sihalela Pfhumu Nungungulu;
ulo a guromo vbatshani ndzadzini,
khu mani a na nyi wonago?
Kha nyi na tugudwa, olu nyi guromo vbakari nya gidzemo,
kholu, kheni mani eni vbakari nya talo nya sivangwa
gu kala nyi tidwa?”
18Wonani nya gukhenu ndzadzini ni ndzadzini
gwa ndzadzini, guetani nya gidema ni mafuni
gwatshavbo, gu na ndrendremela gikhati Uye a na
dzi wonegisago.
Litigo latshavbo li giridwe khuye,
gambe lomo khu gugola gwaye.
19Sigomo ni siseketelo nya mafu,
avbo Nungungulu a si khedzisago,
sa gu ndrendremela khu hwanga.
20Aholu monyo kha wu pimisi khu silo sesi;
khu mani a thelago kota khu dzindzila dzaye?
21Kha nga phuvbo nya gingulu yi si wonwigo
khu muthu,
kharato nugo mithumo yaye nya yingi,
ya gu simama mugusihalani.
22Khu mani a tivisago mithumo yaye nya
gululame?
Khu mani a yi lirelago?
Gidzumeledzwano gyaye gi ngari hwindzo,
guhegisani basi khavbo gu na wonegiswago
gwadi silo sesi satshavbo.
23Uye a gu mwalo mapimo khuye a pimisago
kharati,
kholu muthu nya gipumbu
ni gudhadhavala a gu pimisa
guhandruga basi.
Guti gwa Nungungulu gomo ga sivangwa saye
24Yingisa mwanangu, hevbula guti,
vegedza magana yangu
monyoni gwago.
25Nyi na gu ninga sihevbudzo nya gululame,
nyi gu tulela wugengeli khedzi gu vbwetegago
khidzo.
26Avbo Pfhumu Nungungulu, gukhugela guhegulani,
a giridego sivangwa saye,
a di vega gimwegyo ni gimwegyo
wulanga waye.
27A vegisede sigiro saye kala gupindruga,
gukhugela guhegulani kala ga matshigu ma
nga gutago khu hwindzo;
iso kha sa ngapwa ndzala ambari gugarala,
gambe gima kha sa emisa thumo wawe.
28Gimwalo ni gimwegyo nya iso
gi nga tshunganisa gikwawe,
gambe kha sa nga yeyisa magana yaye.
29Khu hwane nya iso, Pfhumu Nungungulu a di
khedzisa litigo,
a li tadza khu makategwa yaye.
30 # Wona gambe: Gen 3:19; Dzind 104:29. A di fenengedza vbatshani nya mafu khu sivangwa satshavbo nya guvbanye, ni sirengo
nya mafumbu yatshavbo,
si na fago, si bwelela gambe mafuni.
Currently Selected:
Bheni Siraki 16: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.