Bheni Siraki 15
15
Kategide wule a ningago githawo Nungungulu
1A gu gira kharato wule a ningago githawo Pfhumu;
uye a landrisago Nayo a na mana guti.
2Ugo gu na mu khinga kha nga mayi,
gu mu hakha kha nga mwangadzi nya likendzi;
3gu na mu khurisa khu guhodza nya wugengeli,
gu mu tshima lidora khu mati nya guti.
4A na tiya khu guti, gima kha na kanakana,
a na tumba, gima kha na kanganyisega.
5Guti gu na mu khusedza vbatshani ga vangana
vaye vatshavbo,
gu mu tula likana vbakari nya tshangano.
6A na mana gutsaka ni hari nya gunengele,
va na mu ninga, kha nga thomba, wuzundzo nya
wukhongolo kala gupindruga.
7Aholu vathu nya guvivbedwe khu monyo,
kha va na gu mana guti,
ni sighohi niso kha si na gu wona.
8Guti gomo hwindzo ni vathu nya matshandza,
vanyamalipha kha va gu alakanyi.
9Wuzundzo kha wu khali gwadi kanani
nya gighohi,
kholu kha ningwa gilo khu Pfhumu
Nungungulu.
10Wuzundzo wa gu dzi yeyedza khu guti,
khu Pfhumu Nungungulu a gu kavedzelago.
Sighoho sa guta khu ga muthu, nasiri khu ga Nungungulu
11U nga ganeli, khuwe: “Khu Pfhumu
Nungungulu a nga nyi gira nyi ghoha,”
kholu Uye kha giri ugo gu vivbidego.
12U nga ganeli, khuwe: “Khuye a nga nyi
sengedzela,”
kholu Uye kha vbweti sighohi.
13Silo satshavbo si nyenyezidego si ngu
nyenywa khu Pfhumu Nungungulu,
gasi avo va mu ningago githawo,
kha va dzi ningedzeli ga silo soso.
14Gukhugela guhegulani, Nungungulu
giride muthu,
a mu ningide gutshulega gasi gu ninga
mawonelo.
15Wa gu dzina u na landrisa milayo,
gutumbega ga iyo, gu tidwa
khu gugola nya monyo wago.
16Kholu Nungungulu vegide mbeli gwago nilo
ni mati;
thawuludza mandza yago ga igyo u gi
golago.
17Mbeli ga muthu, gomo guvbanya ni
gufa;
igyo a na gi hathago, khigyo a na ningwago,
18kholu guti ga Pfhumu Nungungulu
gukhongolo,
Uye tiyide, a na ni tshivba, a ngu wona silo
satshavbo.
19Pfhumu Nungungulu a ngu wona vale
va mu ningago githawo,
Uye a nguti mithumo ya muthu ni muthu.
20Mwalo muthu a mu ningidego nayo nya
gugire guvivba,
gambe mwalo a rumidwego gughoha.
Currently Selected:
Bheni Siraki 15: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.