Bheni Siraki 14
14
1Kategide muthu a ngamba ghoha khu
magana ya kanani gwaye,
a ngamba tshunganiswa khu guphazama nya
sighoho.
2Kategide uye a gumba konwa khu livhalo
laye,
a ngamba kanakana mugutumbani gwaye.
3Ga muthu nya ligungo thomba khandri
gilo nya gyadi;
gasi ga muthu nya lidiwo,
dza gu phasa ginani dzithomba nya dzingi?
4Uye a dzi wungedzelago a si dzi thumisi uye mune,
a gu wungedzelela vambe vathu;
a nata muthu wa vbavbandze a ta khalega gwadi
khu dzithomba dzaye.
5A na khala muthu nya wadi ga mani
oyu a si gu wadi,
ga uye mune wurumba?
Muthu nya guralo gima kha na londrola dzithomba
dzaye.
6Gimwalo gi vivbidego guvbindra
muthu a dzi girelago ligungo abune;
avbo khavbo a manago tshatshazelo nya
guvivbe gwaye.
7A gu tshuka a gira gilo nya gyadi,
a di phazama, khandri gugola gwaye,
aholu a na hegisa khu gu wonegisa guvivba gwaye.
8Muthu a gu ni makhedzelo nya lidiwo,
vivbide,
kholu a gu thendregedza khovbe a hembulula
mavbanyelo ya vakwawe.
9Liso la muthu nya ligungo,
kha li khuri khu gipandre gyaye nya giavelo;
gunavela gu midzide hefemulo waye.
10Maho ya muthu nya guvivbedwe
khu monyo, ma gu girela lidiwo
guhodza ga vambe,
uye a napwa ndzala ambari vbamezatunu
gwaye.
11Mwanangu, wa gu si mana,
dzi sayise gwadi,
u ningela ga Nungungulu miphaso
yi fanelago.
12Alakanya gukhuwe lufu kha li hweli
gu vboha,
ni gukhuwe khwa tuledwa guti nayo nya lithowo.
13Nusi gufi, girela nya sadi pari yago,
khala wuhindzi u mu ninga gukhedza
khu gumanela gwago.
14U nga digi gulondrola gunengela ga
gikhati gegi,
u nga digi gu dzi tsakisa khu misuwo yi
gu lumbago.
15Khu woni nya gukhuwe u na
tshiyela vambe,
mihandro nya lithonga lago,
ni gukhuwe thomba yago va na tshala va kabanelana khu
nyatumbatumbane, gani?
16Ningela, bwelo khavbo u hakha,
gasi u kodza gutsakisa gunavela
nya monyo wago,
kholu thowoni,
gima khu na ngaya vbweta litsako;
17givili gyatshavbo gu fanana ni
guambala gu hagalago,
kholu, gukhugela guhegulani
khuwo nayo wu vegidwego nya
gupwani:
“Uwe u fanedwe khu gufa.”
18Kha nga mahagane
simboni nya wukhongolo
ma thegago mambe
ma rumbuga,
kharato nugo ga mimela nya vathu,
yimbe ya gufa, yimbe yi velegwa.
19Mithumo yatshavbo ya mafuni yi emedwe khu gufuva,
mugiri a gufa gumogo ni mithumo
yaye.
Guzundza guti
(Bheni Siraki 24:19,22; Guti 8:10-15)
20Kategide muthu a belago khu ndzila nya
guti,
a gu vbwetedzela khu wugengeli waye;
21oyu monyoni gwaye a pimisago dzindzila nya guti,
kala a gu bela umo nya gupime misihalo yaye;
22a gu landra guti khu hwane kha nga uye
a landriselago migondro yaye,
a gu simama dzindzilani gwaye;
23a gu khedzisela guti khu vbajanelatunu
a gu yingisa mudzinyangwani gwaye;
24a gu ema vbafuvbi ni ndranga yaye,
a khokhotha khogo ndzarini gwaye;
25a gu vbaha tshatsha waye vbafuvbi
ni guti,
a tiyisa avbo ndranga yaye nya gutsakise;
26a vega sanana si
vhikedwa tshinani nya guti,
uye mune aya vbanya mutsani nya matamo yakone;
27mutsani gwaye, gima kha napwa lihani,
a na hefemula wudhumoni gwaye.
Currently Selected:
Bheni Siraki 14: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.