Dzindzimo 98
98
Pfhumu Nungungulu a ngu fuma khu gululama
Ndzimo
1Embani ga Pfhumu Nungungulu ndzimo nya yiphya,
kholu uye a ngu gira sisamadziso!
Uye pade khu tshivba nya libogo laye la nyamudye,
khu gyandza gyaye nya gukatege pade mayigo.
2 Pfhumu Nungungulu wonegiside guvbanyisa gwaye,
wonegiside gulamula gwaye ga va nya mayigo.
3Alakanyide lihaladzo ni gutumbega gwaye
ga ndranga ya Israyeli,
dzitshokani nya litigo gu wonidwe
guvbanyisa ga Nungungulu wathu.
4Wombani mikulungwane nya gunengele ga Pfhumu Nungungulu,
enu dzitshokani dza mahegiso nya litigo,
thulani dzindzimo mu embelela khu gutsaka mu Mu rungudza khu mikulungwane.
5Embelelani mu rungudza Pfhumu Nungungulu khu sitendre ni mihwambi,
khu dzitshuli ni ligwaha nya dzindzimo;
6khu mipundru ni dzimbalapala,
mu rungudza mbeli ga Nungungulu, a gu Pfhumu.
7Li na dzume linene ni satshavbo si guromo umo,
litigo ni satshavbo si vbanyago umo;
8yi na phaphatele mitsongo,
ni sigomo si na nengele khu gutsaka,
9mbeli ga Pfhumu Nungungulu,
kholu uye a nguta ata lamula litigo,
a na lamula litigo khu nayo,
ni mahundzu khu gululama gwaye
Currently Selected:
Dzindzimo 98: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
