Dzindzimo 97
97
Pfhumu Nungungulu mufumeli nya khongolo
1 Pfhumu Nungungulu a ngu fuma.
Li na kulungele litigo,
gu na nengele talo nya sidwa.
2Randredwe khu mapfhi ni gidema,
litshina nya wufumu Waye khu gululama ni lisine.
3Nilo wa gu thanga mbeli gwaye,
wu vbisa valala va mu randredego.
4Gulasa gwaye gwa gu wenengedza mafuni;
litigo li gu wona li ndrendremela.
5Sigomo sa gu nyega mbeli Gwaye kha nga mafura,
mbeli ga Pfhumu Nungungulu a gu mune nya litigo latshavbo.
6Ndzadzini gwa gu tivisa gululama gwaye,
ni mafuni va wona wudhumo waye.
7Va na thedwe dzitshoni avo va khozelago sifananiso nya guvatwe,
avo va dzi khusedzago khu gu khozela sifananiso,
va na khidzime mbeli gwaye vanungungulu vatshavbo.
8Siyoni a na sipwe a nengela,
sagadzyana sa Judha si na khulungele,
khu kotani nya gulamule gwago, uwe Pfhumu Nungungulu.
9Kholu uwe Pfhumu Nungungulu u Khusegide ngudzu vbakari nya litigo latshavbo,
Uwe u Khusegide vatshani ga vanungungulu vatshavbo.
10Enu mu golago Pfhumu Nungungulu, nyenyani guvivba,
uye a ngu sayisa mihefemulo ya vale va mu khozelago,
a va vbulugisa mandzani ya va nya guvivba.
11Wenengedzo wu na wonege ga va nya gululama,
ni gutsaka gu manega ga vathu nya myonyo nya gululame.
12Nengelani ga Pfhumu Nungungulu enu va nya gululama,
mu dhumisa lina laye nya gukatege!
Currently Selected:
Dzindzimo 97: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
