Dzindzimo 99
99
Pfhumu Nungungulu wathu, Nungungulu a agidego
1 # Wona gambe: Eks 25:22. Pfhumu Nungungulu a ngu fuma!
Ma na ndrendremele mayigo.
Khade vbatshani nya dzikerubhimi
li ngu khuyuga litigo.
2 Pfhumu Nungungulu khongolo Siyoni,
khusegide vbatshani nya mayigo yatshavbo.
3Va na dhumise lina lago nya likhongolo nya guthavisege!
Kholu li agide.
4Uwe u Pfhumu nya tshivba u golago gululama,
U tiyiside esi si lulamidego,
u ngu lamula sanana sa Jakobe khu nayo ni lisine.
5 Rungudzani Pfhumu Nungungulu wathu ,
khidzimani migondroni gwaye,
kholu Uye agide.
6Mosi ni Aroni va diri vbakari nya vaphasi vawe nya mhamba,
Samuweli moyo nya avo va nga rungudza lina laye,
avo va di gu rana Pfhumu Nungungulu, uye a va hakha.
7 # Wona gambe: Eks 33:9. Uye a di ganela nari vbakari nya mapfhi
avo va di landrisa milayo ni sileletelo a nga va ningago.
8 Pfhumu Nungungulu wathu, uwe u di va hakha!
U va yeyedzide gukhuwe u Nungungulu nya gutsetselele,
ambari khu kharato, u di tsayisa mithumo yawe.
9 Rungudzani Pfhumu Nungungulu wathu,
mu khozeleni gigomoni gwaye nya gukatege!
Kholu, Pfhumu Nungungulu wathu agide!
Currently Selected:
Dzindzimo 99: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
