Dzindzimo 95
95
Gudhumisa Pfhumu Nungungulu
1Deluni hita dhumisa Pfhumu Nungungulu,
khu mikulungwane,
hi na embelele hi rungudza
Giwindri nya guvbanyiswe gwathu.
2Hi na hidzimele mbeli gwaye na hi gu bonga
na hi gu embelela dzindzimo nya gutsake.
3Kholu Pfhumu khuye Nungungulu nya khongolo;
a ngu fumela vanungungulu vatshavbo
a va pala khu wugulu.
4Gueta gwatshavbo nya litigo gomo mandzani gwaye,
gukhugela mikova nya guete ngudzu,
kala ni sigomo nya gulaphe.
5Linene la gu lumba Uye, khuye a nga li gira;
khu mandza yaye a wumbide litigo.
6Deluni hi ta khidzima hi lombelela Pfhumu Nungungulu.
Kholu khuye muvangi wathu.
7Kholu Uye khuye Nungungulu wathu
ethu hi vathu vaye,
hi dzinvuta nya tshambi waye;
muhuno mwa gupwa lito laye,
8 # Wona gambe: Hebh 3:15; 4:7. mu nga bangisi myonyo yanu,
kha nga edzi va nga gira vababe vanu tigoni gwa Meribha litshigu lile nya masaha giwulani.
9 # Wona gambe: Eks 17:1-7; Mit 20:2-13. Avbo vababe vanu va nga nyi lingago va nyi gorosa,
ambari va nga wonago mithumo yangu.
10Ndrani nya magumana myaga nyi di goroswa khu gitugulwana gegi, heni, kheni: “Ava vathu va vivbide myonyo,
kha va landrisa ndzila yangu!”
11 # Wona gambe: Hebh 3:7-11; Mit 14:20-23; Dhet 1:34-36; Hebh 4:3,5; Dhet 12:9-10. Nyi di goroga kala nyi sambanya, kheni: “Kha va na nga bela guhefemulani gwangu.”
Currently Selected:
Dzindzimo 95: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
