Dzindzimo 94
94
Nungungulu mulamuli nya litigo
1Uwe Pfhumu Nungungulu nya gutsayise,
dzi nonedze uwe Nungungulu nya guphodzele.
2Uwe u gu mulamuli nya litigo;
khuga u ninga va nya matshandza
tshatshazelo va fanedego gu yi hakha!
3Kala lini Pfhumu Nungungulu va na tsakago va nya guvivba?
Va na ghiya kala lini va nya guvivba?
4Vatshavbo va girago guvivba va gu dzi khusedza,
va dzi gira matshandza khu wughevenga wawe.
5Avo va gu sasela vathu vago Pfhumu Nungungulu,
va gu sanisa thomba yago!
6Va gu songa valuveli;
va songa dzi noni ni dzikhulungu.
7Vari, khavo: “Pfhumu Nungungulu kha si woni;
Nungungulu wa Jakobe kha theli kota khiso.”
8Enu sipumbu pimisani gwadi,
anenu maphuphulu, lini mu na gengelago?
9Ina oyu a nga gira dzindzeve, a na sindrwa gupwa, gani?
Oyu a nga girago maho, a na padwa gu wona, gani?
10Oyu a layago mayigo yatshavbo, ina kha na nga tsayisa, gani?
Oyu a kavedzelago vathu guti ni gugengela, kha na nga siti, gani?
11 # Wona gambe: 1 Kor 3:20. Pfhumu Nungungulu a ngu mati mapimo nya vathu
a ngu dziti gukhuye kha ma phasi gilo.
12 Pfhumu Nungungulu,
kategide muthu u mu layago,
oyu u mu hevbudzago nayo wago.
13Gasi a rule monyo,
ma gu vboha matshigu nya sigaradzo,
kala li gu kembwa liphala,
nya gurinywe umo va nya guvivba.
14Kholu Pfhumu Nungungulu kha na diga vathu vaye,
ambari gu diga thomba yaye.
15Aholu gulamula gu na girwa gambe khu nayo,
avo va agidego myonyo va na gu landrela.
16Khu mani a na khugago a nyi emela
ga va nya guvivba ni sighevenga?
Ni gu nyi phasa mandzani ga sighohi?
17Naripwani Pfhumu Nungungulu kha nga nyi phasa,
olu, hefemulo wangu na wu relede tsadegoni nya vafi.
18Avbo nyi gukheni: “Migondro yangu yi ngu kwiriga
wuhindzi wago Pfhumu Nungungulu, wu ngu ta nyi seketela.”
19Vbakari nya sigaradzo si tadego monyoni gwangu,
uwe, U ngu tangadzisa hefemulo wangu.
20Ina Uwe u ngu dzi kodza gu khala pari
ya valamuli nya guvivbe, gani?
Kholu avo va gu dzega guwegela va gu gira nayo.
21Avo va gu luga gikungo nya guwugele muthu nya gululame
va kona wule a gu mwalo nandru.
22Aholu Pfhumu Nungungulu, khuye wuthavelo wangu
Nungungulu wangu khuye giwindri nya gutiye
gi nyi vhikelago.
23Va nya guvivba va na mbembiswa khu sighoho sawe,
va wugedwa khu mithumo yawe,
Pfhumu Nungungulu wathu a na va vbedza kamwe!
Currently Selected:
Dzindzimo 94: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
