Dzindzimo 85
85
Nombelo nya gulombe gurula tigoni
Ga muthangeli nya tsawa nya vaembeleli. Ndzimo ya sanana sa Kore
1 Pfhumu Nungungulu u kategiside litigo lago;
u wusedzide guandra ga Jakobe.
2U tsetselede guvivba ga vathu vago,
u va divalela sighoho sawe satshavbo.
3U vbedzide khorodza yago yatshavbo,
u bosa likhulo lago.
4Hi wuyise nyaluphye, uwe Nungungulu muvbanyisi wathu,
u nga simami gu hi girela likhulo.
5Ina likhulo li na simama kala gupindruga, gani?
Likhulo lago li na simama ni ga situgulwana si nga gutago, gani?
6Ina khu na nga hi vbanyisa gambe,
gasi vathu vago va nengele khu uwe, gani?
7 Pfhumu Nungungulu,
hi yeyedze wuhindzi wago
bwelo khavbo u hi vbanyisa!
8Nyi na yingisa esi Pfhumu Nungungulu a na ganelago,
kholu a na ganela khu mahungu nya gurule ga vathu vaye,
ni ga vale va khodwago gwaye;
gasi va si wuyeleli gambe wupumbuni.
9Guvbanyisa gwaye gomo vbafuvbi ga vale va mu thavago
gasi wudhumo wu vbaha tigoni gwathu.
10Wuhigo ni lisine si di tshangana,
gululama ni gurula si di losana.
11Lisine li na buga mafuni,
gululama gu na tshiga khu ndzadzini
12Uye Pfhumu Nungungulu a na hi ninga makategwa,
litigo lathu li na ninga mihandro yaye.
13Gululama gu na thanga mbeli ga Nungungulu,
avbo a gandrago avbo, ya gu tulega ndzila.
Currently Selected:
Dzindzimo 85: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
