Dzindzimo 84
84
Gualakanya Nyumba ya Nungungulu
Ga muthangeli nya tsawa nya vaembeleli. Khu gatite. Ndzimo ya sanana sa Kore
1Edzi yi mburidego khidzo nyumba yago nya miphaso,
uwe Pfhumu Nungungulu nya Tshivba Yatshavbo!
2Hefemulo wangu wu ngu dogorela ngudzu gu ya bela umo,
nyi ngu suva gu ya khala makhuvini nya Nyumba ya Pfhumu Nungungulu;
nyi ngu emba khu gutsaka khu monyo wangu watshavbo ga Nungungulu a vbanyago!
3 Pfhumu Nungungulu nya Tshivba Yatshavbo,
Mufumeli ni Nungungulu wangu!
Ambari sidzengane si manide wulanga nyumbani gwago,
ni ndrewulewu ya gu vbaha gihaga vbafuvbi ni giluvelo gyago,
gasi gi sayisa umo sifondro saye.
4Va kategide avo va khalago nyumbani gwago;
va na simama gu Gu dhumisa nyamba garala.
5Va kategide vale va manago tshivba avbo Gwago,
vale va belago ndzilani nya guye gigomoni gwago!
6Va gu tsemakanya mikova yi bangidego,
ya gu manega na yiri ni sibuga nya mati;
ya gu kategiswa khu ndzadzi nya guphele.
7Na va gu gimbila, tshivba yawe ya guya na yi gu engedzelana litshigu ni litshigu,
kala va gu vboha mbeli ga Nungungulu,
gigomoni gya Siyoni, va ta wona khovbe yago.
8 Pfhumu Nungungulu nya Tshivba Yatshavbo,
yingisa nombelo wangu,
tula ndzeve u yingise,
uwe Nungungulu wa Jakobe!
9Uwe Nungungulu muvhikeli wathu,
kategisa wule u mu hathidego gu khala mufumeli.
10Kholu gu khala litshigu limwedo basi nyumbani gwago,
gwadi guvbindra gu khala likhumi mazana matshigu vbavbandze.
Nyi ngu gola gu khala musayisi nya lidimba
Nyumbani gwa Nungungulu wangu,
guvbindra gu ya khala mitshatshani ya va nya guvivba.
11Kholu Nungungulu khuye lidambo ni muvhikeli;
Pfhumu Nungungulu a ngu ninga wuhigo ni wudhumo;
Uye kha bombi gu girela wuwadi vale va girago ndruda.
12 Pfhumu Nungungulu nya Tshivba Yatshavbo,
va kategide avo va tumbago uwe.
Currently Selected:
Dzindzimo 84: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
