Dzindzimo 83
83
Nombelo nya gulombe guphaswa khu Nungungulu
Ndzimo ya Asafi
1Uwe Nungungulu, u nga deguli,
U nga tshiki dzindzeve, u khumbarana mawogo u khedzisela!
2Wona, valala vago, va ngu gira pfilupfilu,
ni avo va gu vengago va ngu dzi khusa va Gu wugela.
3Va gu luga mano nya guwugele vathu vago,
va hunga gikungo nya gusonge avo U va sayisago!
4Vari, khavo: “Deluni, hongoleni hi fuvise vathu va na Israyeli,
gasi lina lawe li futwa muphelo li si alakanywi gambe.”
5Kholu va pwananide khu monyo moyo va vbweta gu Gu wugela,
va hungide gikungo nya gudwane Nago.
6Avo va girago esi khu Vaedhomi ni Vaismayeli,
khu situgulwana sa Mowabhi ni sa Agari,
7khu Vagebhali, Vaamoni ni Vaamaleki,
Vafilisitiya gumogo ni vavbanyi va Tiro;
8ni Vaasiriya navo va dzi patide avbo,
khavo va ningago tshivba sanana sa Loti.
9 # Wona gambe: Val 7:23; 4:6-22. Va gire kha nga idzo u nga girago Vamedhiyani,
kha nga idzo u nga girago Vasisera gumogo ni Vajabhimi
gitsongwanani gya Kisomi;
10U nga va mbembisa dhoropani ga Eni-Dhori;
sirumbi sawe si hinidego mafuni.
11 # Wona gambe: Val 7:25; 8:12. Gira vafumeli vawe
kha nga idzo u nga girago Orebhi ni Zehebhi;
gira vathangeli vawe vatshavbo
kha nga idzo u giridego Zebha ni Zalimuna,
12va nga sambanyago, khavo:
Hi na wandre litigo la Nungungulu li khale lathu.
13Nungungulu wangu, va phalalegise kha nga mungu,
kha nga marego nya gubange ma vbuvbiswago khu phuvbo.
14Va fuvise gukhwatshi khu nilo wu vbisago likhabi,
gukhwatshi misimbo ya sigomoni yi tsagamago khu luvbya.
15Va tutumise kharato khu phuvbo yago,
u va thela hwanga khu gingulu gyago!
16Va thele dzitshoni nya dzikhongolo Pfhumu Nungungulu,
gasi va fela gu wuya gwago.
17Va na padwe va thedwa dzitshoni kala gupindruga;
va na vbele tshivba vafa khu dzitshoni dzawe!
18Va na dziti gukhavo khuwe basi u gu Pfhumu Nungungulu,
khuwe basi u Khusegidego ngudzu
vbatshani nya litigo latshavbo!
Currently Selected:
Dzindzimo 83: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
