Dzindzimo 82
82
Nungungulu mulamuli wa vathu vatshavbo
Ndzimo ya Asafi
1Nungungulu khade wulanga waye wa vbatshani;
a lamula vbakari nya huwo nya vanungungulu.#82:1 Gukhedza khu mipimiso ya vathu va gale, litigo ni litigo li diri ni nungungulu waye, a nga bani a ningela dzifanelo ga vathu va mu khozelago. Na va gu thumisa gifananiso gegi nya wuthokozeli, mulovi a gu yeyedza gukhuye Pfhumu Nungungulu, uye a lumbago mayigo yatshavbo, a ngu kawuka ni gu nyenya vanungungulu vovo.
2“Kala lini mu na hegisago gu lamula nyamba lulama?
Kala lini mu na gu emela va nya guvivba?
3Emelani dzifanelo nya sisiwana ni sigulungu
phasedzelani avo va sanisekago
ni avo va gu mwalo muthu nya gu va emele.
4Vbanyisani avo va saniswago ni sisiwana,
va vbulugiseni mandzani ga va nya guvivba.”
5 # Wona gambe: Dzind 11:3. Sipumbu kha siti gilo, sa gu vbanya gidemani;
giseketelo nya nayo ni gululama tigoni,
gi ngu tsekatsekiswa.
6 # Wona gambe: Joh 10:34. Eni nyi di, kheni: “Enu mu vanungungulu,
enu mwatshavbo mu sanana sa Uye a Khusegidego ngudzu.
7Ambari ulo enu mwatshavbo mu nafa nenu kha nga vathu vatshavbo,
mu na vbelani tshivba kha nga mwama nya dzihanyi.”
8Uwe Nungungulu, khuga u lamula litigo,
kholu mayigo yatshavbo ma gu lumba Uwe.
Currently Selected:
Dzindzimo 82: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
