Dzindzimo 81
81
Va na Israyeli va ngu lombwa khu Nungungulu gu va mu yingisa
Ga muthangeli nya tsawa nya vaembeleli. Ndzimo ya Asafi
1Embelelani hi tsakela Nungungulu wathu;
mu womba mikulungwane hi tsakela Nungungulu wa Jakobe.
2Embani mu womba mitandrandra,
embani dzindzimo nya gutsake khu gitendre ni gitoliyo.
3Wombani pundru nya buzo nya gumege nya ngima
ni gudandra gwaye, a gu litshigu nya buzo wathu.
4Kholu oyu nayo ga va na Israyeli,
guruma ga Nungungulu wa Jakobe.
5Uye vegide kha nga nayo ga Josefe,
gikhati a dugidego guya dwana ni litigo la Egipito.
Nyi ngupwa lito nyi si litigo li gu, khilo:
6“Eni nyi mi rude rwalo nya gulemele magatani gwanu,
nyi giride esi gasi mu si lemedwi gambe mawogoni gwanu.
7 # Wona gambe: Eks 17:7; Mit 20:13. Na muri sigaradzoni mu di nyi rana, eni nyi di mu vbanyisa;
Eni nyi di mi hakha khu vbakari nya phuvbo nya gingulu nyi nga sihalago umo.
Nyi mi lingide vbafuvbi ni wulanga nya gibuga nya mati ya Meribha.
8Vathu vangu, yingisani milayo yangu,
nyi di hadza gu tsaka nari gupwani wa gu nyi yingisa uwe Israyeli.
9 # Wona gambe: Eks 20:2-3; Dhet 5:6-7. Mu nga khozeli vanungungulu nyamba vati,
mu nga khozeli gimbe gilo vbavbandze ga Eni basi.
10Eni kheni Pfhumu Nungungulu wago,
nyi nga gu dusago khu tigoni ga Egipito;
tulani gwadi magana, nyi na mi hodzisa.
11Aholu, vathu vangu kha va dzina gu nyipwa,
Israyeli kha yeyedza gu khathala khu eni.
12Khu guralo, nyi di va diga va gira guhaladza gwawe,
va landrisela gugola nya myonyo yawe.
13Nari pwani vathu vangu va ngu nyipwa,
ni Israyeli a ngu landrisa dzindzila dzangu,
14na nyi gu khozisa valala vawe khu guvbiredza;
na nyi gu veta valala vaye khu mandza yangu.
15Vale va vengago Pfhumu Nungungulu
va di hadza gu khidzima migondroni gwangu,
tsayiso wawe wi di hadza gu simama kala gupindruga.
16Nyi di vbweta gu mi ningani tirigu nya yadi,
mu hodza mu khura khu wulombe nya gudugele giwindrini.”
Currently Selected:
Dzindzimo 81: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
