Dzindzimo 78
78
Nungungulu ni vathu vaye
Ndzimo nya sileletelo sa Asafi
1Vathu vangu, yingisani sihevbudzo sangu,
dembani ndzeve gasi mupwa esi nyi mi embelago.
2 # Wona gambe: Mat 13:35. Nya gu vbweta gu mi hevbudza khu sipimaniso,
nyi mi tivisani misihalo ya gale.
3Mahungu hi ma pwidego ni gu ma hevbula,
ayo hi nga embeledzedwa khu vababe vathu,
4ethu kha hi na ma sihela sanana sathu;
hi na ma embeledzela ga mimelana
yi nga gutago,
wudhumo wa Pfhumu Nungungulu
ni tshivba yaye,
ni siliwugiso a si giridego.
5Uye vegide nayo ga Israyeli,
a ninga sileletelo sanana sa Jakobe
a ruma vababe vathu gu hevbudza
milayo yeyi ga sanana sathu,
6gasi situgulwana sawe niso si yiti,
ni sanana si nga na gu velegwa
si hevbudza niso sanana sawe;
7gasi va kodze gu vega gitumbo gyawe ga Nungungulu,
va si divaledwi khu mithumo a giridego,
va sayisa milayo yaye gikhati gyatshavbo;
8va si giri kha nga vababe vawe,
vathu nya guyeyise ni gumba yingela,
vathu nya gubange mihungo,
nyamba tiya gutumbani gwawe ga Nungungulu wawe.
9Sanana nya lihundzu la Efrayimi,
avo va somidego wulaho ni matshari,
va diya thava va tutuma litshigu nya nyimbi.
10Kha va landrisa gidzumeledzwano gya Nungungulu,
va di bomba gu landrisa milayo yaye.
11Va di divaledwa khu mithumo yaye
ni sisamadziso a va yeyedzidego.
12 # Wona gambe: Eks 7:8—12:32. Giride siliwugiso na gu wonwa khu vababe vawe,
panini ga Zowani, tigoni ga Egipito.
13 # Wona gambe: Eks 14:21-22. A di kabanisa yiphwa, a va vbindrisa khu vbakari,
a gira mati ma khuga, ma khala libhiyo.
14 # Wona gambe: Eks 13:21-22. Gikhati nya mihani a di va gimbidzisa khu lipfhi;
wutshiguwule a di va gimbidzisa khu nilo.
15 # Wona gambe: Eks 17:7; Mit 20:2-13. A di pandra siwindri mugiwulani,
gu goga mati a va sedza khu mati nya gudugele guetani.
16A di pola sifefe umo nya siwindri,
gu goga mati kha nga mitsongo.
17Aholu avo va di simama gu mu ghohela,
va di wugela Uye a Khusegidego ngudzu mugiwulani.
18Va di linga Nungungulu khagwenye,
va mu lomba guhodza nya gugodwe khavo.
19Va di mu wugela va ganela, khavo:
“Ina Nungungulu a na dzi kodza
gu hi ninga guhodza giwulani momu, gani?
20Lisine, Nungungulu pandride siwindri,
gu goga mati nya mangi kha nga tsongo,
aholu, a na dzi kodza gambe gu hi ninga guhodza,
ni gu ninga nyama vathu vaye, gani?”
21Na pwide esi, Pfhumu Nungungulu a di goroga,
a tsayisa Jakobe khu nilo,
likhulo laye li di engedzelana ga va na Israyeli.
22Kholu kha va khodwa gwaye,
kha va khodwa ga Nungungulu, gambe kha va tumba gu vbanyiswa khuye.
23Aholu Nungungulu a di ganela khu vbatshani mapfhini,
a ruma gutula malimba ya ndzadzini.
24 # Wona gambe: Joh 6:31. A di ninga vathu vaye guhodza ga ndzadzini,
a tshisa mana gasi va hodze,
25khu kharato, vatshavbo va di hodza guhodza nya dzingilozi;
a va resela guhodza nya gungi.
26A furugedza khu ndzadzini phuvbo ya Khugadambo
khu tshivba yaye a di resa phuvbo nya siga.
27A di tshisela vathu vaye khu ndzadzini
nyama nya gutale kha nga kudzudzwane,
sinyoni nya gutale kha nga fungo wa phwani,
28si di thegela vbakari nya lizumbo lawe,
bambe nya mitshatsha yawe.
29Khavbo avbo, va di hodza va khura;
kholu a di va girela gugola gwawe.
30Aholu avo na va si gu kodwi,
guhodza gu ngari kanani gwawe,
31 # Wona gambe: Eks 16:2-15; Mit 11:4-23,31-35. Nungungulu a di goroga khavo,
a songa vama nya mitiyedwa ni tshivba,
a thesa madzaha nya dzindrena dza Israyeli.
32Ambari va nga wona esi, va di simama gughoha
va si khodwi khu siliwugiso saye.
33Khu guralo, uye a di vbungula matshigu yawe
ma vbindra kha nga furugedzo nya phuvbo
guvbanyani gwawe va taledwa khu sigaradzo.
34Gikhati a nga bani a va tsayisa,
khavbo va nga bani va gu mu alakanya.
35Khavbo va nga bani va alakanya gukhavo
Nungungulu Muvhikeli wawe,
ni gukhavo uye a guromo vbatshani ngudzu,
khuye mudzegisi wawe.
36Aholu magana yawe ma di si tumbegi,
satshavbo va nga bani va ganela a diri sa malipha.
37 # Wona gambe: Mit 8:21. Kholu myonyo yawe yi di si namareli gwaye,
ambari gutumbega ga gidzumeledzwano gyaye.
38Aholu Nungungulu khu wuhindzi waye,
a di va tsetselela sighoho sawe a si va mbembisi,
gikhati nya gingi thindrekiside likhulo laye,
a si va gorogeli khu giviti.
39A di alakanya gukhuye vathu va wumbidwego khu nyama,
a va gira kha nga phuvbo yi vbindrago
nyamba wuya gambe.
40Dzinyondro dzingani va nga wugelago
Nungungulu mugiwulani
va mu pwisa wuvi tigoni mule nya gihala!
41Gikhati nya gingi khegi va nga linga Nungungulu,
va gorogisa oyu a Agidego wa Israyeli.
42Va di si alakanyi tshivba yaye nya yikhongolo
ambari gu alakanya litshigu a nga va tshudzisago ga valala vawe;
43va divaledwa khu sigiro a giridego tigoni ga Egipito
ni siliwugiso, a giridego panini ga Zowa;
44 # Wona gambe: Eks 8:20-24; 8:1-6. avbo a nga vbindrugedza mati nya
mitsongo yawe ma khala novba,
gasi Vagipiti va si ma seli.
45A di rumela mabhawa ma va hodza,
ni vanyakhele gasi va va sanisa.
46 # Wona gambe: Eks 10:12-15. A di rumela gambe siwungu si hodza dzimbewu dzawe
ni mbasa yi hodza mihandro nya thumo wawe.
47Songide misimbo nya mikandzu
khu ndzadzi nya maralala,
ni miguhu yawe khu girame.
48 # Wona gambe: Eks 9:22-25. Dzimombe ni dzinvuta dzawe dzi difa nidzo,
khu kotani nya ndzadzi nya maralala ni mabara.
49A dita na gorogide ngudzu,
ata va bayisa khu likhulo laye nya likhongolo,
a va wusela dzimhango dzatshavbo nya gusonge
khu lidhuma nya dzingilozi.
50Uye gima kha vbungula likhulo laye,
gambe kha va diga va vbanya,
aholu, a di va songa khu tungu.
51 # Wona gambe: Eks 12:29. Ga ndranga ni ndranga ya tigoni ga Egipito,
a di songa gyanana nya matiwula,
handro nya guphele nya tshivba yawe
mitshatshani ya Kami.
52 # Wona gambe: Eks 13:17-22. Uye a di dusa vathu vaye kha nga dzinvuta,
kha nga muhavisi a ghulago tshambi waye,
khu vbakari nya giwula.
53 # Wona gambe: Eks 14:26-28. A di va thangela na tiyide,
avo va di si khali hwanga,
aholu valala vawe va di fenengedzwa khu mati nya yiphwa.
54 # Wona gambe: Eks 5:17; Jos 3:14-17. A di dzega vathu vaye a va yisa tigoni nya gukatege,
gigomoni a nga gi hatha khu libogo laye la nyamudye.
55 # Wona gambe: Jos 11:16-23. A di tutumisa vavbanyi va mayigoni mule na va gu si wona,
mayigo yawe a ma kabanisela mahundzu ya Israyeli.
56 # Wona gambe: Val 2:11-15. Ambari ulo, va na Israyeli va di tiya
gu wugela Pfhumu Nungungulu,
va mu linga, va si yingeli milayo yaye.
57Kha va tumbega, va di mu wugela,
kha nga vababe vawe,
va di penga kha nga giholoma,
nya gukhwandrwe khu wulaho nya guwegele.
58Va di mu gorosa khu gu gira siluvelo nya wuhedheni,
va mu girisa wufu khu kotani
nya gukhozele vanungungulu nya malipha.
59Nungungulu, na wone esi, a di goroga,
a pfhurarela muphelo va na Israyeli.
60Kala a diga ni Tshatsha waye nya miphaso tigoni ga Silo,
nyumba a nga bani a gu vbanyela umo
vbakari nya vathu.#78:60 Lidhoropa va nga bani va khozela umo Nungungulu va na Israyeli gikhatini gya mufumeli Dhavhidhe. (Wona Jos 18:1; Jer 7:12-14: 26:6).
61 # Wona gambe: 1 Sam 4:4-22. A di diga valala va dzega ngasa nya gidzumeledzwano,
a nga bani ari giwonegiso nya tshivba ni wudhumo waye.
62A di girela likhulo vathu vaye,
a va diga va songwa khu valala vawe.
63Madzaha ma di dagarela khu nilo,
vanyamahegyane va hamuga vama nya gudzegwe khavo.
64Vaphasi nya mhamba va di songwa khu matshari;
dzinoni dza vaphasi dzi di himbedzedwa gu lila vama vawe.
65Khavbo, Pfhumu,
a nga gira gukhwatshi gu khendzuga khu ligovbeni,
kha nga mwama nya ndrena
a wusedwago wunyanyu waye khu wadwa.
66A di khozisa valala vaye va bwelela hwane,
va thavela muphelo khu dzitshoni ni gu padwa.
67Khu guralo, a di nyenya situgulwana sa Josefe,
kha hatha lihundzu la Efrayimi.
68Aholu a di hatha lihundzu la Judha,
ni gigomo gya Siyoni a gi golago ngudzu.
69Uye vbahide Nyumba yaye nya Guage yi lapha kha nga ndzadzini,
yi tiya kha nga mafu a ma tiyisidego kala gupindruga.
70A di hatha githumi gyaye Dhavhidhe,
a mu dusa panini mavbandroni nya dzinvuta,
71 # Wona gambe: 1 Sam 16:11-12; 2 Sam 7:8; 1 Dzik 17:7. a nga bani a gu havisa umo dzinvuta,
a di mu vega kha nga muhavisi wa Jakobe ni vathu vaye,
ni muhavisi wa Israyeli thomba yaye.
72Dhavhidhe a di va sayisa gwadi khu ndruda,
a va fumela khu guti nya gukhongolo.
Currently Selected:
Dzindzimo 78: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
