Dzindzimo 77
77
Nungungulu mutangadzisi wa vale va tshanisekago
Ga muthangeli nya tsawa nya vaembeleli khu maembelo ya Jedhutumi. Ndzimo ya Asafi
1Eni nyi ngu khusedza lito langu ga Nungungulu,
nyi lila gwaye gasi uye a nyi yingise.
2Litshigu nya wuvi, nya gu vbweta Pfhumu;
vbakari nya wutshigu, nya gu
khusedza mandza nyi lombelela nyamba garala;
aholu hefemulo wangu kha wu mani gu tangadziswa.
3Nya gu alakanya Nungungulu, nya gu lila;
nya gu pimisela nya gu vbela tshivba.
4Uwe khu nyi digi nyi mana ligovbe;
nyi ngu garadzega ngudzu nyamba kodza ni gu ganela.
5Nya gu alakanya matshigu ma vbindridego,
nya gu dundruga myaga yi vbindridego gale.
6Nya gu pila wutshigu watshavbo na nyi pimisela silo nya guete,
nyi phela gu hingigedzela, nyi dzi wudzisa nyabune, kheni:
7Ina Pfhumu a gu vbweta gu nyi digela muphelo, gani?
Guyeyedza gupwani uye kha na hi hakha gambe, gani?
8Ina lihaladzo laye li vbede kamwe, gani?
Ina gitumbiso gyaye gi vbelede muphelo, gani?
9Nungungulu a di divaledwa khu wuwadi waye, gani?
Likhulo li di dzega wulanga nya wuhindzi waye, gani?
10Egi gi nyi vbisago ngudzu khu gu pimisa gukheni:
“Nungungulu a Khusegidego ngudzu
kha dzini gu hi phasa gambe.”
11 Pfhumu Nungungulu, eni nyi na dundruga
sigiro sago nya gusamadzise,
nyi na alakanya siliwugiso u giridego gale.
12Nyi na alakanya gambe mithumo yatshavbo u giridego,
nyi alakanyela sigiro sago nya gusamadzise.
13Ndzila yago uwe Nungungulu, yi agide.
Mwalo nungungulu a gu khongolo guvbindra Nungungulu wathu.
14Uwe u Nungungulu u girago siliwugiso,
u wonegiside tshivba yago ga mayigo yatshavbo.
15Khu tshivba nya libogo lago u vbanyiside vathu vago,
situgulwana sa Jakobe ni Josefe.
16Avbo mati ma nga wona uwe Nungungulu,
mati ma di gu wona ma thava,
ni milondrwa yi di ndrendremela.
17Mapfhi ma di wisa ndzadzi,
gudzuma mabara damboni;
dzinyangafula dzi di duga khu maphuvbo yatshavbo.
18Gudzuma nya mabara yago gu di pwala malangani gwatshavbo;
gulasa gu di wenengedza litigo latshavbo,
litigo li di kutsungwa li ndrendremela.
19Uwe u di pola ndzila vbakari nya mati,
u tsemakanya nondrwa nya wukhongolo,
aholu mwalo a wonidego ngondro wago.
20U di gimbidzisa vathu vago kha nga muhavisi,
khu mandza ya Mosi ni Aroni.
Currently Selected:
Dzindzimo 77: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
