Dzindzimo 75
75
Nungungulu muvbanyisi
Ga tsawa nya vaembeleli, khu maembelo nya ndzimo yi gu, khiyo: “U nga pfhungumuli.” Ndzimo ya Asafi
1Hi ngu gu bonga uwe Nungungulu; ethu hi ngu gu bonga,
hi ngu rana lina lago,
hi huwelela siliwugiso sago.
2Nungungulu a di khuye: Khu gikhati nyi gi vegidego
nyi na lamula vathu khu gululama.
3Li na ndrendremele litigo ni vathu va vbanyago umo,
ambari khu guralo, nyi nga na gu tiyisa madingo yaye.
4Nya gu embela vale va dzi khusedzago, kheni:
Mu nga dzi khusedzi;
ni va nya guvivbedwa khu monyo, kheni:
Mu nga tumbi tshivba yanu.
5Mu nga dzi zundzi khu tshivba yanu,
mu nga ganeli khu matshandza.
6Kholu giphaso kha giti khu Khugadambo
mwendro khu Pfoladambo ambari, khu giwulani.
7Nungungulu khuye mulamuli
a gu neredza vambe, a khusedza vambe.
8Mandzani ga Pfhumu Nungungulu gyomo gikombe
gi tadego khu wadwa wu pupumago likhulo laye,
a na ningago va sela vatshavbo va nya guvivba va tigoni
va sela kala ni giminya gyakone.
9A gu bani nari eni nyi na dhumisa
Nungungulu kala gupindruga;
nyi embelela dzindzimo nya
gurungudze Nungungulu wa Jakobe.
10Nyi na vbedza tshivba ya va nya guvivba;
aholu tshivba ya va nya gululama yi na khusedzwa.
Currently Selected:
Dzindzimo 75: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
