Dzindzimo 70
70
Gulomba guphaswa khu Nungungulu
(Dzindzimo 40:13-17)
Ga muthangeli nya vaembeleli. Ndzimo nya wuembeleli wa Dhavhidhe
1 Pfhumu Nungungulu, delu khu givbiredza u ta nyi vbanyisa;
vbiredza, Pfhumu Nungungulu, u ta nyi tshudzisa.
2Va na poyilege ni gu thega dzitshoni
avo va vbwetago gu nyi songa;
va na bwelele hwane khu dzitshoni
avo va tsakago khu gu nyi wona na nyi gu tshaniseka.
3Va na bwelele hwane khu dzitshoni dzawe,
avo va gukhavo: “Khavbo gwadi! Khavbo gwadi.”
4Avo va golago guvbanyiswa gwago
ni gu gu vbweta;
va na tale khu gunengela
gikhati gyatshavbo va na ganele, khavo:
“A na khusedzwe Nungungulu!”
5Eni nyi gisiwana ni muhamugi;
uwe Nungungulu, vbiredza u ta gwangu
kholu khuwe muphasi ni muvbanyisi wangu.
U nga hweli Pfhumu Nungungulu!
Currently Selected:
Dzindzimo 70: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
