Dzindzimo 63
63
Gugola Nungungulu
(2 Samuweli 23:14)
Ndzimo ya Dhavhidhe, nari giwulani gya Judheya
1Nungungulu, uwe u Nungungulu wangu;
nyi ngu gu vbweta khu tshivba.
Hefemulo wangu wu na ni lidora nya uwe,
eni wurumba wangu nyi ngu gu vbweta ngudzu;
kha nga mafu nya gihala
ma gu na ni lidora nya mati.
2Eni nya gu gu khedzisela makhuvini gwago nya guage,
gasi gu wona tshivba ni wudhumo wago.
3Kholu lihaladzo lago li ngu tsakisa guvbindra womi;
likana langu li na gu rungudza.
4Khu guralo, nyi na gu rungudza
na nyi nga gu vbanya;
matshigu yatshavbo nya guvbanye gwangu,
nyi na khusedza mandza nyi gu bonga.
5Nya gu dzipwa gutsaka gukhwatshi
nyi di khura khu guhodza nya gunone,
nyi na womba mikulungwane nya gutsake
nyi gu rungudza.
6Na nyi lade dawuni gwangu, nya gu alakanya uwe,
wutshigu watshavbo nya gu pila na nyi gu pimisa uwe.
7Kholu u khade wuthavelo wangu, nya gu nengela mutsani nya mambapi yago.
8Nyi ngu namarela gwago khu hefemulo wangu watshavbo,
mandza yago ya nyamudye ma ngu nyi seketela.
9Aholu vale va vbwetago gu nyi songa,
va na thegela phalani nya guete nya vafi.
10Va na songwa khu matshari,
va hodzwa khu migehe.
11Mufumeli nya litigo a na nengele ga Nungungulu;
uye a sambanyago linani ga Nungungulu a na nengela,
aholu avo va liphago va na segwa magana.
Currently Selected:
Dzindzimo 63: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
