Popular Bible Verses from Dzindzimo 63

Share

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Kholu lihaladzo lago li ngu tsakisa guvbindra womi; likana langu li na gu rungudza.

Khu guralo, nyi na gu rungudza na nyi nga gu vbanya; matshigu yatshavbo nya guvbanye gwangu, nyi na khusedza mandza nyi gu bonga.

Eni nya gu gu khedzisela makhuvini gwago nya guage, gasi gu wona tshivba ni wudhumo wago.

Kholu u khade wuthavelo wangu, nya gu nengela mutsani nya mambapi yago. Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Na nyi lade dawuni gwangu, nya gu alakanya uwe, wutshigu watshavbo nya gu pila na nyi gu pimisa uwe.