Dzindzimo 61
61
Nungungulu muvhikeli wa vale va mu tumbago
Ga muthangeli nya tsawa nya vaembeleli. Khu sitendre. Ndzimo ya Dhavhidhe
1Nungungulu, yingisa huwa nya wuvi wangu,
hakha nombelo wangu.
2Nyi ngu gu rana khu mahegiso nya litigo,
kholu monyo wangu wu ngu vbela tshivba,
nyi yise giwindrini nya gukhugege ngudzu
u nyi sayisela avbo.
3Kholu uwe u wuthavelo wangu.
Uwe u womo kha nga langwe nya tshivba,
u nyi vbulugisago ga valala!
4Nyi vbanya nyumbani gwago kala gupindruga;
nyi sayisega mutsani nya dzimbapi dzago.
5Uwe U Nungungulu wangu,
u yingiside sisambanyo sangu,
U nyi ningide thomba yi lumbago vale va thavago lina lago.
6Engedzela matshigu nya guvbanye ga mufumeli;
a na vbanye myaga nya gulaphe, nya yingi ngudzu.
7A na simame kala gupindruga mbeli ga Nungungulu;
a na sayisege khu lihaladzo ni gutumbega.
8Kharati, nyi na rungudza lina lago kala gupindruga,
litshigu ni litshigu nyi landrisa sisambanyo sangu.
Currently Selected:
Dzindzimo 61: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
