Dzindzimo 60
60
Nombelo wa gikhati nya nyimbi
(2 Samuweli 8:13; 1 Dzikoronika 18:12)
Ga muthangeli nya tsawa nya vaembeleli, khu maembelo nya ndzimo yi gu, khiyo: “Senge nya wufakazi.” Ndzimo ya Dhavhidhe gasi gu hevbudza. Avbo a nga dwana ni Vaasiriya va Mesopotamiya ni Vaasiriya va Zobha, ni avbo Jowabhi a nga wuya khiyo nya gusasele vathu va Edhomi nya tengo nya likhumi na mavili magumi mazana (12.000) vama, Kovani nya Munyu
1Uwe Nungungulu, uwe u hi digide u hi phalalegisa;
kholu u di tade khu likhulo khu ethu;
gasi olu hi ninge gambe tshivba!
2U dzudzide litigo li gu nwega;
gasi olu sega malufa yaye,
kholu li ngu pfhungumuga.
3U giride vathu vago va wona sigaradzo nya singi,
u hi sedzide wadwa gasi hi leva.
4U ningide ngavbya avo va gu ningago githawo,
gasi va vbuluga ga gighalala gya nala.
5Hi vbanyise khu gyandza gyago u hi hakha,
gasi sigodwa sago si vbuluga.
6Nungungulu ganede khu nyumbani gwaye nya guage, khuye:
Nyi na nengela khu gu kabanisa litigo la Sikemi
nyi kavedzela vathu va Sukoti.
7Va Ghiligali vathu vangu,
va na Manasi vathu vangu;
Efrayimi gihugu gyangu nya nyimbi;
Judha khuye ndronga yangu nya wufumu.
8Aholu litigo la Mowabhi,
ginamelo gyangu nya guhambe khigyo;
Nyi na rinya silato sangu tigoni ga Edhomi;
nyi ghiya khu gu pala Vafilisitiya.
9Khu mani a na gu nyi yisago dhoropani nya likhokhola?
Khu mani a na gu nyi yisago kala Edhomi?
10Ina khuwe uwe Nungungulu u hi digidego, gani?
U si thangeli gambe dzinyimbi dzathu!
11Hi phase u hi dwanela ga valala vathu,
kholu tshivba nya vathu va mafuni
kha yi hi phasi ni gu hi vbulugisa.
12 # Wona gambe: Dzind 108:6-13. Nungungulu a na ema ni ethu hi pala,
khuye a na gu gandredzelago valala vathu.
Currently Selected:
Dzindzimo 60: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
