Dzindzimo 6
6
Nombelo nya gulombe guphasedzedwa
Ga vathangeli nya vaembeleli khu gitendre. Ndzimo ya Dhavhidhe
1 # Wona gambe: Dzind 38:1. Pfhumu Nungungulu, u nga nyi kawuki nu tade khu likhulo,
ambari gu nyi tsayisa nuri ni likhulo.
2Nyi pwele wusiwana Pfhumu Nungungulu,
kholu nyi ngu vbela tshivba;
nyi hawulugise Pfhumu Nungungulu,
kholu marambo yangu ma ngu khuyugela.
3Hefemulo wangu nuwo wu ngu tshaniseka;
aholu uwe Pfhumu Nungungulu, nyi na lirela kala lini?
4Wuya Pfhumu Nungungulu, u ta vbanyisa hefemulo wangu;
nyi vbanyise khu wuhigo wago.
5Kholu avo vafudego, kha va gu alakanyi,
khu mani a gu rungudzago nari thowoni?
6Nyi vbede tshivba khu gu lila,
marongo yangu ma gu goga wutshigu watshavbo
nyi naganisa lidawu langu ni gikhuledzo.
7Maho yangu ma gu simba khu gulila
ma rereka khu kotani ya valala vangu va tadego.
8 # Wona gambe: Mat 7:23; Luk 13:27. Ndreyani mbeli gwangu, mwatshavbo mu girago guvivba
kholu Pfhumu Nungungulu pwide huwa nya gulile gwangu.
9 Pfhumu Nungungulu pwide gu lomba gwangu,
Pfhumu Nungungulu hakhide nombelo wangu.
10Va na khale dzitshoni, va ndrendremela valala vangu vatshavbo,
va na phalalege khu guvbiredza na va tade khu dzitshoni!
Currently Selected:
Dzindzimo 6: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
