Dzindzimo 7
7
Nombelo nya gulombe gu lamudwa
Ndzimo a nga emba Dhavhidhe ga Pfhumu Nungungulu khu kotani ya Khusi wa na Bhejami
1 Pfhumu Nungungulu wangu, eni nyi ngu thavela avbo gwago!
Nyi vbulugise ga valala vangu vatshavbo!
Nyi vbanyise!
2Va nga nyi songa kha nga nghala,
va nyi vbadzulela nyambana wangu nya gu nyi phase!
3 Pfhumu Nungungulu wangu, nya gu bani nyi giride nandru
ga iso va nyi rwegago,
nya gu bani nyi nyenyeziside mandza yangu
khu mithumo nya guvivbe;
4nya gu bani nyi bweledzede khu guvivba oyu a nga nyi phasa,
nya gu bani nyi digide gu tsayisa oyu a nga nyi hosela,
5nala wangu a na nyi lundre kala a nyi mola!
A na nyi these vbavbatshi a nyi gandredzela nyi nga gu vbanya,
a rinya womi wangu omu nya kudzudzwane!
6 Pfhumu Nungungulu, khuga u ema nu gorogide!
Wuga nu tade khu likhulo, u dwana ni valala vangu;
delu u ta nyi emela,
gukhedza khu gulamula u gu vegisedego.
7Tombanisa mayigo ma ta gu randrela;
u tshiga khu vbatshani u ta khala mbeli gwawe.
8 Pfhumu Nungungulu a na lamula mayigo;
nyi lamule Pfhumu Nungungulu, gukhedza khu fanelo yangu,
kholu eni nyi muthu nya gululame, nyi mwalo nandru.
9 # Wona gambe: Gutu 2:23. Vbedza guvivba nya sighohi,
u tiyisa muthu nya gululame
Uwe Nungungulu nya gululame
u wonago monyo ni mahingigedzo.
10Nungungulu khuye gitshangu gyangu;
a ngu vbanyisa va nya myonyo nya gululame.
11Nungungulu mulamuli nya lisine,
gikhati gyatshavbo a gu kona sighohi.
12Muthu nya guvivbedwe khu monyo
a gumba vbindrugedza mavbanyelo,
Nungungulu a na lodza litshari laye, a ghwimba wulaho a seketela
gasi gu rinya sighalala.
13A mu dongisede matshari nya gusonge
a seketela sighalala saye nya nilo.
14Wonani muthu nya guvivbe,
a gu vbaha guvivba
a khura mimba nya manyala,
a velega malipha.
15Uye a di kemba liphala nya guete ngudzu,
aholu a thegela seleni a nga wu kembago abune.
16Guvivba gwaye gu na thegela hungoni gwaye,
a na pfarwa hungo khu wughevenga waye.
17Nyi na bonga Pfhumu Nungungulu khu gululama gwaye,
nyi na embelela nyi rungudza lina la Pfhumu Nungungulu
a guromo vbatshani ngudzu.
Currently Selected:
Dzindzimo 7: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
