Dzindzimo 5
5
Nombelo nya dzimindru
Ga vathangeli nya tsawa nya vaembeleli khu gitoliyo. Ndzimo ya Dhavhidhe
1 Pfhumu Nungungulu, yingisa magana yangu,
upwa nombelo wangu.
2Hakha lito nya gulile gwangu,
uwe Pfhumu ni Nungungulu wangu.
Nya gu lomba gwago.
3 Pfhumu Nungungulu, vbadzimindrutunu
u napwa lito langu,
vbadzimindrutunu, nyi ngu gu bikela nombelo wangu,
nyi khevisela phindrulo yago.
4Kholu uwe khuri Nungungulu nya gugole guvivba,
muthu nya guvivbe monyo, kha khali vbafuvbi gwago.
5Va nya matshandza, kha va tiyeli gu khedza khovbe yago.
U ngu va nyenya vatshavbo va girago guvivba.
6U ngu fuvisa va nya malipha,
Pfhumu Nungungulu a ngu nyenya gighevenga
ni muthu nya wuvafa.
7Gasi eni, khu lihaladzo lago nya likhongolo,
nyi ngu bela nyumbani gwago;
nyita khidzima nyi gu khozela khu githawo
nyumbani gwago nya gukatege.
8 Pfhumu Nungungulu, nyi gimbidzise
khu gululama gwago,
khu kotani ya valala va nyi holelelago;
lulamisa ndzila yago mbeli gwangu!
9 # Wona gambe: Rom 3:13. Kholu va mwalo lisine maganani gwawe;
myonyo yawe yi tade khu maalakanyo nya guvivbe;
migolo yawe marowo ma tulegidego,
malimi yawe ma gu songa.
10 Pfhumu Nungungulu, va rwege nandru wawe,
va na thege khu makungo yawe,
va tutumise khu kotani nya sighoho sawe nya singi,
kholu va ngu gu wugela.
11Va na nengele vatshavbo va thavelago avbo gwago,
va na kulungele kala gupindruga;
uwe u ngu va vhikela, avo va nengela khu uwe,
avo va golago lina lago.
12Khu kharato, uwe Pfhumu Nungungulu,
u ngu kategisa oyu a lulamidego
u ngu mu vhikela maphuvbo yatshavbo khu gitshangu nya wuhigo wago.
Currently Selected:
Dzindzimo 5: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
