Dzindzimo 57
57
Nombelo khu wuwadi wa Nungungulu
(1 Samuweli 22:1; 24:3)
Ga muthangeli nya tsawa nya vaembeleli. Khu maembelo nya ndzimo yi gu, khiyo: “U nga pfhungumuli.” Ndzimo ya Dhavhidhe gikhati a nga bani a gu thava Sawule, a sihala phagoni
1Nyi pwele wusiwana Nungungulu,
nyi pwele wuhindzi,
hefemulo wangu wu ngu thavela avbo gwago;
nyi na sihala mutsani nya dzimbapi dzago,
kala si vbindra sigaradzo.
2Nyi na rana Nungungulu a Khusegidego ngudzu,
nyi rana Nungungulu a nyi phasago satshavbo.
3Uye khu ndzadzini a ngu nyi rumela giphaso gyaye a nyi vbulugisa;
fenengedza khu dzitshoni avo va nyi bayisago.
Rumela wuhindzi ni gutumbega gwago.
4Nyi randredwe khu valala
va fananago ni dzinghala,
va vbweta gu nyi hodza;
magwaha yawe kha nga matshari ni siholoma,
malimi yawe gukhwatshi migala nya gulodzwe.
5Nungungulu, wonegisa wugulu wago ndzadzini;
wudhumo wago wu na fenengedze litigo latshavbo.
6Valala vangu va nyi riyede naphwi
khavo va na nyi mola;
va kembide liphala ndzilani gwangu,
aholu va thegede umo avo vamune.
7Nungungulu wangu, nyi tiyide hwambo,
monyo wangu wu ngu gola gu thula ndzimo nyi embelela rungudzo.
8Khendzuga, uwe hefemulo wangu!
Gitendre ni hwambi, wugani!
Nya gu vbweta gu wusa Wuronga.
9Uwe Mune wangu, nyi na gu bonga vbakari nya mayigo;
nyi na embelela dzindzimo nyi Gu dhumisa
vbakari nya vathu nya mafumbu ni mafumbu.
10Kholu lihaladzo lago likhongolo li vbohago kala ndzadzini,
gutumbega gwago gu khongolo gu vbohago kala mapfhini.
11Nungungulu, wonegisa wugulu wago ndzadzini;
Wudhumo wago wu na fenengedze litigo latshavbo.
Currently Selected:
Dzindzimo 57: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
