Dzindzimo 56
56
Nombelo wa muthu a tumbago basi Nungungulu
(1 Samuweli 21:13-15)
Ga muthangeli nya tsawa nya vaembeleli. Khu maembelo nya ndzimo yi gukhiyo: “Lituva li pwalago simboni nya wukhongolo wa hwindzo.” Ndzimo ya Dhavhidhe gikhati a modwego khu Vafilistiya tigoni ga Gati
1Nyi pwele wusiwana Nungungulu wangu,
kholu vathu va ngu vbweta gu nyi bayisa;
va gu nyi tshanisa ni gu nyi dwanisa litshigu latshavbo.
2Avo va gu nyi holelela gikhati gyatshavbo;
vangi va dzi gugumugisago va nyi dwanisa.
3Nya gupwa hwanga,
nya gu tumba uwe basi.
4Khu kotani nya situmbiso Saye,
nyi ngu tumba Nungungulu, kha nyi thavi gilo,
va na nyi gira ginani vathu?
5Gikhati gyatshavbo va gu nyi payetela khu magana;
va gu luga mano nya gu nyi bayise.
6Va gu tshangana va sihala,
va nyi holela umo nyi gimbilelago umo,
na va gu virela gikhati nya gu nyi songe.
7Ina va na vbuluga vathu nya guvivbe, gani?
Oh, Nungungulu tsayisa ava vathu khu likhulo lago.
8Uwe u gutide gusaniseka gwangu;
u hengeledzede marongo yangu gyomboni;
ina khwa si lova libhukuni gwago, gani?
9Litshigu nyi na gu gu lombago gu nyi phasa,
valala vangu va na bwelela hwane va thava;
eni nyi ngu dziti gwadi gukheni
Nungungulu a na ni eni.
10Nyi ngu rungudza Nungungulu,
khu kotani nya situmbiso Saye,
11Nyi ngu vega gitumbo gyangu ga Nungungulu, kha nyi thavi gilo,
va na nyi gira ginani vathu?
12Nungungulu, nyi na gira satshavbo
nyi sambanyidego avbo Gwago;
nyi na gira phaso nya gubonge.
13Khu guralo, u vbulugiside hefemulo wangu tshivbani nya lufu,
khwa dzumedzisa gukhuwe nyi tshunganela nyi thega,
nyi gimbile mbeli gwago Nungungulu,
gasi nyi gimbila wenengedzoni nya guvbanye.
Currently Selected:
Dzindzimo 56: BGG2014
Highlight
Share
Compare
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
