Dzindzimo 53
53
Muthu nyamba thava Nungungulu
(Dzindzimo 1:1-6)
Ga muthangeli nya tsawa nya vaembeleli. Ndzimo ya Dhavhidhe
1Muthu nya giphuguphugu a gu ganela khu monyoni gwaye, khuye:
“Mwalo Nungungulu.”
Va dzi nyenyeziside khu gu gira guvivba;
mwalo na moyo wawe a girago nya sadi.
2Khu ndzadzini, Nungungulu a gu khedza a wona vathu,
khuye mwendro a na mana moyo a vbwetago Nungungulu.
3 # Wona gambe: Rom 3:10-12. Vatshavbo va dugide ndzilani va mbemba;
mwalo na moyo a girago nya sadi, mwalo ni moyo basi.
4Ina kha va pimi avo va girago guvivba;
va tsagudzelago vathu vangu kha nga guhodza, gani?
Avo kha va alakanyi Nungungulu.
5Va ngu tala khu hwanga nya wukhongolo,
avbo gu gumwalo ni gilo nya guthavise;
kholu Nungungulu a ngu phalalegisa marambo ya wule a gu randrelago;
uwe u na va thela dzitshoni, kholu Nungungulu a va digide.
6Nari gupwani khu Siyoni gu ngu duga guvbanyiswa ga Israyeli!
Gikhati Nungungulu a na wuyisago makategwa ya vathu vaye,
va na Jakobe va na womba mikulungwane,
ni Israyeli a na nengela ngudzu.
Currently Selected:
Dzindzimo 53: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
